مسموم مات ابن الرضا ضنوة الأمجاد...وصارت إلى الشيعه صوایح برض بغداد

والحالة الصعبة على الشيعه ومجيده...مرمي يظل مهجة رسول الله حفيده
ثاروا غضابه ابحزن ثوار العقيده...ارجال ونسا العظم المصيبه لبسوا اسواد

تهتف وتعلن عن حزنها بالهتافات...نفدي الغريب اللي قضى وابغربته مات
يبقى رميه ونصبر على الهضم هيهات...انشيع على رغم العدى علة الإيجاد

بارواحنا نفدي الفدى شرعة الهادي...وابمهجته ضحی وجرع سم الأعادي
ويقول لجل الدين تتيتم اولادي...وحسين قبلي ضحى بالإخوة والأولاد

جاها أمر رسمي تشيع فخر عدنان...وطلعت جماهير الخلق خلفه والاعيان
موكب عزائي والبجا عنوان الاحزان...تندب سليل المصطفى وكعبة الوفاد

ما بين باكي وبين من يلطم على الراس...وبغداد هم ضاقت شوارعها من الناس
خلف الجنازه اتنوح حتى بني العباس...ورفت اعلام السود فوق اسطوح بغداد

وابروضة الكاظم صفت روضة حفيده...وشبله الهادي نزله للقبر بيده
ودع أبيه وانتحب نحبه شديده...وانهل دمع عينه او صاح ابحرقة افاد

كلكم يبویه امشردين امن المدينه...ولاحد يبويه مات منکم موت عينه
مسموم ضاق الموت وإلا ذابحينه...ومرمي ثلث أيام يبقى ابحر لوهاد