یا قُوم رحموني...يا قُوم رحموني
باودّع أهلي لا تمنعوني...يا قوم رحموني

مُرّوا على ابن أُمّي فرد ساعه...باودّع اللي رَضّوا اضلاعه
باودّعه أو بكثر من اوداعه
باودّعه أو باودّع اغصوني...يا قوم رحموني

مُرّوا على ابن أُمي ابالِثمَه...باقَبّله ابنحره أو باشِمّه
أو باغَسّله لو كان من دمّه
بالله عليكم لا تزعجوني...يا قوم رحموني

مُرّوا على ابن أُمي اباوَدّعه...نشّاب في جسمه اباشلّعه
باودّع اليَمّ جثّته صرعى
باودّع ارجالي دخلوني...يا قوم رحموني

مرّت عليه أو شافت احواله...شافت اخوها اموَزَّعَه اوصاله
مقطوعه ایمینه مع اشماله
نادت على العدوان مهلوني...یا قوم رحموني

رادِت تذبّ الروح عالخوها...رادت تودّعه والقوم منعوها
بسياطهم ظلّوا يلوّعوها
نادت عليهم لا تضربوني...يا قوم رحموني

لـمّن على الـمَسنات جوا بيها...أومت على العباس واليها
والسوط يتلَوىّ ابمتنيها
نادت ضربکم وَرّم امتوني...يا قوم رحموني

وعن الحبيب انأخَذ محبوبه...ما هو ابرضاها غدت مغصوبه
كلّما تتوسّل غدت مضروبه
اتنادي عليهم لا تلوّعوني...يا قوم رحموني