موسی بسجن بغداد
(لطم)
فاطم تنتحب واتصيح عزّوني...على اولادي
لو مسموم لو مذبوح...آه يا فجعة افادي
سم المصطفى أول وثاني ضربة المحراب...لجل الحسن واسمومه ملح ابماي قلبي ذاب
وگعة کربلا الخلّت عندي ايهون كل امصاب
فيها حسین واحبابه...يشجي ويعمي امصابه
ظل فوق الثرا مطروح...آه يا فجعة افادي
حال النسوة فوق اعجاف والسجاد واغلاله...ذوّب مهجتي وحسين رأسه فوق عسّاله
شيبه امخضب ابدمه وحوله تنحب أطفاله
شمر ابسوطه يضربها...وزينب لو بكت سبها
بالفجعة تظل اتنوح...آه يا فجعة افادي
تاليها بنو مروان فتوا مهجة السجاد...بالسم ويل قلبي وما يتّم بعده الأولاد
والباقر عقب عينه سمه ضنوة الأوغاد
طاحت بالطشت چبده...وأولاده تحن عنده
بعدك كلنا وين انروح...آه يا فجعة افادي
جت دولة بني العباس واشتد الظلم والجور...والصادق يويلي شاف كل ذلة من المنصور
تاليها یون مطروح بفراشه القلب مفطور
بالسم قطّع افاده...وحوله تصرخ أولاده
ونسوانه تفت الروح...آه يا فجعة افادي
جا دور الرشید اوصار كل الخوف للساده...شتتهم عن الأوطان أونسّی ظلم أجداده
زج موسی ابسجن بغداد غلّه وثقّل اقياده
والسندي الرجس هانه...ابسجنه اولا احترم شانه
وساقه ابقيدهم مجروح...آه يا فجعة افادي
عقب السجن والويلات بالسم قطع الكبده...من جاه الرضا ایغمضه وظل يبكي كنت عنده
ایودعه والرضا مفجوع ظل يلطم على خده
ایوصي وللصدر ضمّه...اهوى وبالوجن شمّه
أو فاضت من أبوه الروح...آه يا فاجعة افادي
وحال اللي يفت لقلوب يا شيعة ويهيجني...حماميل أربعة شالوه هذا الحال افجعني
وابقيده ابجسر بغداد خلّو للشماته ابني
لمنادي يفت لقلوب...قوله وجات من كل صوب
شماته تجي واتروح...آه يا فجعة افادي
وابن اسويد ظل محتار من شافه وقف محزون...ظل ينشد طبيب المار عن هالميت شتقولون
شافه وصاح يبن اسوید ما عنده عشيرة ايجون
اتشیعه وتاخذ ابثاره...ابكبده السم شعل ناره
اولیش اعلى الجسر مطروح...آه يا فجعة افادي
