الجنازة اعلى حماميل أربعه
امعطله اجنازة الكاظم يا خلق فوق الجسر...حزن للشيعه أو فرجه للأعادي من تمر
امن السجن جابوا الجنازه اعلى حمامیل اربعه...الشالته احمامیل وهي للإمام اتشیعه
والمصيبه اللي إلى الشيعي تهيجه وتفجعه...قول لمنادي ابشماته اللي يفت حتى الصخر
نار حزنه للحشر ما تنطفي جمرة غضى...تحرق القلب اليحبه حتى قلب اليبغضه
نادى للفرجه الجنازه ذا امام الرافضه...وحفّت العدوان تتفرج على نسل الطهر
وشیعته بالنوح ضجّت وين اهله وعزوته...وین اولاده النشاما تحضر او وين اخوته
اتزيح هالأقياد عن رجله وتشيل اجنازته...اتشیعه بالعز وتغسله وبالعجل تحفر قبر
ایعز على المختار شبله ظل جنازه امعطّله...وعجب للكرار ما جاله يشيعه وغسله
ما هو حلال المشاكل ليت حل هالمشكله...والبتوله ام الحسن يا هو يودّي الها خبر
ابنچ الكاظم يزهرا ما دريتي ابحالته...بالسجن بالسم فتّوا ويل قلبي مهجته
وما دريتي للأعادي بقت فرجه اجنازته...لو تشوفينه ابقيده چان قلبچ ينفطر
