يا سلوة الهادي ويا ضنوة الكرار...حچيك شعب قلبي اوشب ابمهجتي نار

بعدك الشیعه اتضيع ما بين الأعادي...یا هو یصیر الها عقب فرقاك هادي
ايقله الإمام ابني الرضا سید أولادي...قال اونعم لكن هضيمه يبن لطهار

بالسجن تقضي والعشيره عنك هالقياد...وين اخوتك يبن النجاب اووين لولاد
مدري دروا لو مادروا في حالك اشصار

يبن الرسول وشيعتك من يسألوني ...یمتی يصير الفرج تطلع يفجعوني
ايقله ابجسر بغداد خلهم ينظروني...بالجمعه خذ هذا الوعد وابضحوة انهار

استبشروا الشيعه يوم بلغهم سلامه...وظنوا اليهم قال يطلع بالسلامه
قالوا اجل يوم الفرح ننشر اعلامه...ونحظى ابنظر باب الحوايج حامي الجار

وحالة الشیعه اعلى الجسر حاله فضيعه...جوا بالوعد واقبالهم شافوا الفجيعه
مرمي ابقيده اعلى الجسر كعبة الشيعه...حطوا عزاهم بالبيوت اصغار وكبار

وارتفعت الضجه ابمنازل اهل بغداد...اعني من الشيعه ونساهم لبسو اسواد
اتنادي فجيعه امامنا في رجله اقياد...فوق الجسر مطروح ظل مهجة المختار

مدري درت لو ما درت امه الحزينه...فاطم الزهرا عن ابنها سامینه
فرجه الأعادي للشماته تارکینه...الله اولحد وین جده علي الكرار

يا غيرة الله وين حلال المشاكل...ينظر سليله میت وابرجله سلاسل
وفي وين اولاده واخوته ما اتسایل...عن شيخهم واتثور لجله وتاخذ الثار