الزهرا امن الفجيعه
فاطم الزهرا امن الفجيعه ابحرقة أفاد...اتعاتب ابحسرتها وحزنها جسر بغداد
ما راقبت حرمة رسول الله وحبيبه...ولا شجاك المرتضی ابحزنه ونحيبه
واتزلزلت أركانك العظم المصيبه...موسى عليك امغلل امصفد بالاقياد
جابوا الجنازه اتشيلها أربع حماميل...واعليك خلوها ابرجل شبلي زناجيل
والأرض من عظم المصيبه اتموج واتميل...والله عجب ما انهد رکن منك ولا ماد
ونادى المنادي وزلزل السبع العليه...فرجه يهل بغداد أمام الرافضيه
وصكت الصوبين الخلق واعظم رزیه...اعلى الشيعه تبجي والحزن بقلوبها زاد
حال الجنازة ما شجاك ابقيد وأغلال...أولا حال شیعتنا نحن نسوان ورجال
ولا الشماته والمنادي والذي قال...واتزلزلت من هالمصاب الهز لطواد
جاوب لسان الحال یا زهرا الزجيه...هاللي تذكرينه جرى غصب عليه
وعتبج يمحزونه أشد واصعب رزیه...والأمر للباري يبضعة خير لعباد
واحد من أولادج يزهرا ظل ساعات...واتشرفت بجنازته سید السادات
وتالي تشيع بالجلاله ولطم هامات...واندفن بقلوب التحبه امن أهل بغداد
يم الحسن وابکربلا ظل عاري حسين...حوله جنایز عزوته ولنصار سبعين
مرمي ثلث ايام لا راس او بلا ایدین...والأعوجيه رضت اضلوعه بالطراد
