الزهراء عليها السلام تعاتب أمير المؤمنين عليه السلام
لحدّ یكرّار يَجيدوم الحرب...مَتني يبو احسین اسوَدّ امن الضرب
يا علي بالبيت جالس والعدى تهجم ابدارك
أو بيدك اجزاء الحميّه چان ما يِنضام جارك
أعجب الأملاك كلّها يا أبواحسین اصطبارك
والله عجب كيف...ما تشهر السيف
منّك خذوا حیف...يَكشّاف الكُرَب
چنت أنا عندك وديعه والنبي أوصاك بيه
وانهضم جُدّام عِينك چیف یا راعي الحميه
ينهَب حقّي يبوالحسین ما تنغز عليه
والله يَكرّار...تَيَّهت لِفكار
ترضه على الدار...يصِفّون الحَطب
شبّوا النيران في بيتي أو بالباب اعصروني
كسروا ضلعين منّي يبواحسين أو سقطوني
والرِجس ما خاف من ربّه لَطَمني على اعيوني
أو من عصرةِ الباب...یا داحي الباب
من فوق لِتراب...وقع محسن غضب
تَيّهت أفكاري وأفكار غيري من احوالك
لُو ردت تحمل الدنيا چان تحملها ابشمالك
أو لـمّن اتطُب الحريبه ابد ما يندهش بالك
تشهد العدوان...في كلّ ميدان
يا عالي الشان...عَجَمها والعرب
لُو صِحت بالروع يوم الروع یا حیدر تروّع
لُو صحت یابو الايمّه ابجبل هالدنيا تزعزع
أو كلّ جبّار عنيد بيك يا حیدر تضعضع
لحدّ يبواحسین...یابو المیامین
يا نور کلّ عین...یكشّاف الكُرب
لنّ أبو الحسنین جاوبها ابونّاتٍ خفيه
كفكف ادموعه ابكِمّه أوصاح لحد یا زچیه
تعرفيني القيّدتني من رسول الله الوصيه
کفّي هالعتاب...يا بنت الاطياب
قلبي ترا ذاب...يزهرا امن العَتَب
