نوحية في وفاة الزهراء عليها السلام
زهرة الكونين...قضت مکسورة الضِّلعين...والله مصيبه
أو حيدر عليها ايصيح أو يهمل العينين...والله مصيبه
لَمّ الايمّه أبو الأيمّه علي الكرار...حطّ العزيّه
يجذب الونّه أو ينادي بضعة المختار...ماتِت شجيّه
راحت السلوه سليلة صفوة الجبّار...خیر البريّه
ضلّوا يتامی عقبها حسن ويّا احسين...والله مصيبه
يسكب ادموعه على الخدين مهموله...حِلو الطبيعه
ويصيح بنتِ النّبي فارقت معلوله...ياهي فجيعه
عاشت كئيبه ابحزنها أو غدت منحوله...ذيك الوديعه
هيّه الوديعه امن أبوها سيد الكونين...والله مصيبه
هاي الوديعه امن أبوها زينة الجنّه...الكوكب الدرّي
رحمه إلى الناس خلَقها صاحب المنّه...والدمع يجري
قَضِّت عمرها ابکآبتها تجرّ وَنّه...والدمع يجري
ملطومة العين أو منها اسوَدّت الـمَتنين...والله مصيبه
ما أدري اشعُذُر لِيهم في ظلامتها...أهل السقيفه
يوم يدخلون في الجنّات شيعتها...ذِیچ العفيفه
فاز الذي نال في المحشر شفاعتها...البضعه المنيفه
والويل إلى اللي عَصَرها أو سقّط الها اجنين...والله مصيبه
والفي صدرها أو ثَديها نَبَتِ المسمار...بنتِ الأطايب
والکان آمر عليها يشعلون النار...والله عجایب
أو من غير اذِنها عليها هجم وسط الدار...نسل الكواذِب
أو بيده لَطَمها أو بانِت لطمته في العين...والله مصيبه
وين اليِحبّها أو عليها يسكب ادموعه...أو ينصُب عزيّه
أو يذكُز ضلعها أو عليها يحني اضلوعه...ابصَرخَه شجيّه
أو يذكُر يتامى الفُقدها غدِت مفجوعه...ذيك الرضيّه
زينب الحوری وِخِتها والحسن وحسین...والله مصيبه
بُشراك ياللّي تحبّها بالنَّجا والفوز...يوم القيامه
معلوم کلمن يحبّها امقَرّب او معزوز...يحصِّل كرامه
معلوم کلمن يحبّها اعلى الصراط ایجوز...نوره أمامه
لكن خسافه قضِت مکسورة الضِّلعين...والله مصيبه
