نوره علينا ظهر...مولد عظیم البشر...نبينا محمد

عالم الإنسان مظلم بالظلم ومن الجهاله
ماله نور ایزیل ظلمه او منقذ امن الجهل ماله
أرسل الله نور هادي امن العمى ومن الضلاله
نبينا...محمد...نبینا
بأول ربیع الشهر...مولود عند الفجر...نبينا محمد

اتشرف العالم العلوي وعالم السفلي تشرف
بالنبي ونوره علينا من سنام العرش أشرف
ونزل يهدي الخلق يزهر بالحرم والكعبه رفرف
جلاله...نبينا...جلاله
في مكة أم الفخر...ابسابع عشر بالشهر...نبينا محمد

جبرئیل ابأمر ينزل من الباري اهبط وهني
هني جده وهني أمه آمنه عنك وعني
هبط والأملاك نزلت لا يوني اولا توني
تهني...نبينا...تهني
لملاك وانظر فجر...بالكون شع اوزهر...نبينا محمد

نار فارس تعطي معنی ابهالنبي تخمد النار
طاق کسری انهدم يعلن ظهر نور الله وأنار
ويعلن الوادي ابمفیضه نبي الرحمه اليوم صار
علامه...نبینا...علامه
للحق نوره ظهر...بالبر يزهي أو بحر...نبينا محمد

سطع نور الحق يضوي بالجزيره العربيه
بالغرب يزهر ويشرق بالشرق شع للثريه
اتشرفت هذي الأمه بالنبي خير البريه
فخرنا...نبینا...فخرنا
طه ابطول الدهر...عالأمم بیه نفتخر...نبينا محمد

ظهر دين الله ابمحمد واسمه شاع اعلى المنابر
ایکبر المسلم او يشهد للنبي وهالأمر ظاهر
يا نبي ابمشرق أو مغرب باقي اسمه اعلى المناير
کماله...نبينا...كماله
حيدر العالم دهر...ويبقى ليوم الحشر...نبينا محمد

يا الاهي ابحق محمد وبكرامته النبيله
وحقك اعلى النبي الأكبر وبأساميك الجليله
تنصر الأمة محمد كل هضم عنا تزيله
علينا...يربي...علينا
جارت طغاة الكفر...منك يريد النصر...نبينا محمد