عید هالليله صح عيد
وبيت الجلاله شرفه...مولد الهادي المصطفى
هالليله صح عيد

انهني ابها الشرف مكة دوم وانهني الحرم
ابمولد المصطفى اتشرف للأبد ظل محترم
صار ملجا صار مرکز للفضايل والكرم
ایزید فضله بقی ایزید...وشرف المروه والصفا
مولد الهادي المصطفى...هالليله صح عيد

ونزف للكعبه التهاني الحاره ابعيد السعيد
تبشر ابعز وكرامه دايم اليوم الوعيد
ابمولد المصطفى وتبقی مقصد العاني البعيد
دوم هذا الشرف دوم...للأبد تبقی امشرفه
مولد الهادي المصطفى...هالليله صح عيد

انهني جده انهني أمه آمنه انهني عمامه
ابمولد اليرفع ذكرهم بالفضايل للقيامه
هذا خير الرسل طه امتوج ابتاج الكرامه
نور وجهه يشع نور...ولملاك حوله امرفرفه
مولد الهادي المصطفى...هالليله صح عيد

شرف الدنيا ابأسرها وعالم العلوي انشرح
جن وانس فرحت وحتى الملك شاملها الفرح
الولد بالجنات تمشي دلع تتمایل مرح
الحور ابفردوسها الحور...نشوى وتغني امكيفه
مولد الهادي المصطفى...هالليلة صح عيد

زینوا عرش الجلاله بالمصابيح الجميله
واصبحت دنيا العروبه امکرمه وامست جليله
امن انولد عزها وشرفها والفخر هذي الليله
اتنور بيه السما اتنور...والأرض تضوي امشرفه
مولد الهادي المصطفى...هلليله صح عيد

الموبذان انذهل رايه والملك صابه الكدر
من سمع طاقه تصدع من اساسه وانفطر
والبحيره نضب ماها واصبح الوادي بحر
النار ما اصبحت نار...بعد الألف ضيها انطفى
مولد الهادي المصطفى...هالليله صح عيد

ابليس واصحابه التغوي امن السما تسرق سمع
عنه بالشهب الرواجم من تريده تنمنع
ودع الدنيا مطيح ابهالبشاره من سمع
ايصيح حان القضا ایصیح...وكل صنم عالوجهه انكفى
مولد الهادي المصطفى...هالليله صح عيد

باسمك الأعظم يربي أقسم اعليك وجلاله
ابکل ملك اقسم يربي ابكل نبي باسمه وكماله
وبالنبي المصطفى الأكرم اقسم وأقسم ابآله
ابخير اتعود السنه ابخير...ودنياتنا ابنعمه وصفا
مولد الهادي المصطفى...هالليله صح عید