عاشر الأولاد يَمّ احسين مات ابغصّته
برض سامرا أولا جیتي يزهرا الموتِتَه

ليت يمّ احسين جيتي لُه أوشفتي مصرعه
و على افراش المرض يتقلّب أوچبده امقطَّعه
وِبنَه المهدي يجرّ حسره أو يجري مدمعه
والإمام العسكري امسَجّى أويجذب ونّته

ايصيح يَبني تدنّى لي واستِمع لوصيِّتي
عظم الله الأجر لك في مصابي أوموتتي
يَبني أوصّيك ابوصيّه لا تنوح بامصيبتي
نوح للي ابكربلا بالخیل رضّوا جِثّته

عقُب ما تغمض اعيوني قُوم غسِّل جثّتي
عقُب غسلي والكفن من قبل دَفنِ اجنازتي
لازم اتنادي ينور العين جملة عيلتي
کي يودعوني أوتالي ودّي أبوك الحفرته

الله ايعينك ينور العين بعد افراق ابوك
لازم العدوان يَبني عقب عيني يطلبوك
يطلبونك يا ضيا عيني قصدهم يقتلوك
لكن اتواری ابأمر الجليل أو رادته

رادة الله تاخذ ابثار العشيره والأهل
تاخذ ابثار النبي والسَقّطوا منها الحِمِل
أو تاخذ انثار الذي بالفرض والصوم انجتل
أو تاخذ ابثار الذي بالسمّ چبده امفَتِّتته

أوتاخذ ابثار الذي قطّعوا وریده ابکربله
أومن قفاه انقطع راسه أودمّ نحره غَسَّله
أوچثّته ظلّت رميّه بالصعيد امجدَّله
أوشهروا راسه ابكُلّ بلده اعليله أونسوته

أوقّفوا ذيك الوديعه حاسره ابمجلس یزید
أوصاحوا عليهم خوارج في السِّكك مثل العبيد
أوجدّك السجاد يَبني مغَلّلينه بالحديد
أوراس جدّنا بالرُّمح تلعب الريح ابشِيبتَه