(محنة اولاد مسلم)
یا من بالبواچي اتريد توفي احسین واعياله
ابچي المسلم المظلوم وابچي المحنة (اطفاله)
مصيبتهم يشيب الراس طرواها اويهد الحيل
لمن طاح ابو اليمه اوهجمت على اخيمه الخيل
فرت خايفه النسوان وانشبها الوجل والويل
اوهامت من مباني احسين * لعد مسلم اولاد اثنين * ماتدري الوجه لاوین
عليها الطير من يخطف تتریب امن اخياله
لو صار الظلام اتسير گامت والصبح تچمن
مريبه اوخايفه امن الناس ومن الخوف ما تمن
لمن طبت الكوفه وصلت للامان اتظن
ما تدري ابنغل ازیاد *حطلها شرك صياد * ولاها اوفعل كلما راد
خلاها ابسجن مظلم اوعين اعليه خلاله
(گامت) تعبد الباري ابذاك السجن ليل انهار
عليها اشيمر ما تدري اولا تدري بهلها اشصار
حته امن السجن ملت راحت والدموع اعبار
گامت تنشد السجان *تعرف داحي البيبان * بینه راقب الرحمان
تراهو (المرتضى) جدنه واحنه المسلم اشباله
لمن سمع طرواهم گام اعلى الوجه يلطم
گاللهم يغاتي اشلون عذري ايصير من مسلم
صبرتوا يا يتامه اشلون مده والسجن مظلم
يغاتي مني اشتردون * افك الباب وتطلعون * اريدنكم عليّ ترضون
گالوله جزاك الله ابفعلك بحسن افعاله
من باب السجن طلعوا لاچن گاموا ایرکضون
لاوین الوجه ينطوه محتارين ما يدرون
ليل انهار بالبيده اليتامه گاموا ایسچون
لمن وصلوا البستان * واحدهم گعد نحلان *لاچن شكروا الرحمن
من خلصوا من الشدَّه اوحمدوه اعلى كل حاله
واحد شبگ عالثاني اوصارت (بیه) نومتهم
اجتي المجاريه للماي وبهالحال شافتهم
راحت لعد عمتها اوِإهاحچت قصتهم
تعنت ليهم العمة * إِهي والجاريه ابهمه *اعلى واحد نصت اتشمه
فك عينه اوعاینها او منها ارتهب دلاله
گالتله يتامه احنه گلي انتو يغاتي امنين
گ اللها يبعد احنه لعد مسلم اوخالي احسين
أخبرها ابمصيبتهم اوگامت تلطم الخدين
گالتله او دمعها ایهل * بعد لا تظل متوجل * گوموا اوياي للمنزل
أخذتهم لعند الدار
طبوا لعد منزلها أوعالحرَّه مسوا خطار
وگفوا گاموا ایصلون وتهل الدموع اعبار
ساعه او لنهم ایسمعون واحد يدگ باب الدار
خافوا ورَّبو منه * من طب (زوجها) لنه لمن يمهم اتدنه
يسمعونه یگللها اتعبت واتعبت الخاله
يگلها امن السجن فرَّوا لعد مسلم اثنين اولاد
اوگام ايحشم الكوفه اوعليها ایفزع ابن زیاد
دورنه النزل کله اوكل ذاك التعب ما فاد
شنهو عذرك من الله
اومن المصطفه او آله
گاللها اظن عندچ واسمعلچ وسافه اوحيف
ابدارك (ضيف) گالتله هم واحد يخون الضيف ؟
نهض لاچن نهض مغضب والميشوم بيده السيف
طب ليهم اوهيه اتشوف صطرهم وهم عنده اضيوف *گالوله ابگلب ملهوف
اضيوفك ليش تضربنه يظالم گلبك اشماله
چتفهم اچتاف الموت لاچن الصبح من صار
اخذهم للذبح بیده او طلعوا من هذیچ الدار
ناده (ابنه) اوتعناله اوبیده سلَّم البتار
گله روح واذبحهم * اولا ترحم زغر سنهم * من راح اوعرف جدهم
ذب السيف من ایده اومنه العين هماله
انطه للعبد سيفه اوليهم من وصل عبده
لمن شافهم يبچون ذب السيف من يده
تعناهم أهو النوبه اوصطر واحد على خده
تدناله اولزم جيده * اوحط سيفه على اوريده * اجه الثاني اولزم ایده
يگله خل اخوي ایگوم وانه اذبحني ابداله
ایگله اتريد تذبحنه يظالم شلك اعلينه
اخذنه اوبيعنه بالسوگ اوربح بالثمن بينه
لو حيين اخذنه اوياك لبن ازیاد ودینه
يگلهم هالحچي شيفيد * گالوله نصلي انريد * وگفو لاويين الجيد
اشحاله اليوگف ايصلي ويعاين الچتاله
اخذ واحد گطع راسه اوذب چثته اعلى جاريها
(تمت) واگفه اعلى الماي واخيَّه ايعاين اعليها
لحگها ابجثة الثاني (والاوليه) اعتنت ليها
لاچن حين وصلتها * وهي اعلى الماي شبكتها * اوبي غطت ابساعتها
يا ريت (الفرات) ایغور مایه اوينشف ازلاله
