على الحسن لمن طب ابوالیمه شافه يلوج وبالطشت يجذف چبدته...سالت دمعته

طب العضيده وگام پشچي الحاله...من شاف طشت البيه چبده اگباله
ناده او عینه امن الحزن هماله...چبدك يبحر الجود من سمه
وبالطشت ثلثينه يبو امحمد قذفته...سالت دمعته

مابین ما ويه الحسن يحچي حسين...لن يسمع اعلى الباب ابو اليمه اونین
صاح الحسن لاچن يهل دمع العين...يحسين قوم وللطشت ضمه
زینب لفت يمچن اوحن گلبه على اخته...سالت دمعته

طبت لخوها اتريد تتعافاله...گامت تنشده ام الحزن عن حاله
شافت طشت لاچن امغطه اگباله...چشفته وشافت چبده من دمه
على الوجه گامت تلطم اوونت الونته...سالت دمعته

طشتین زینب شافت ابها الايام...يم الحسن واحد او واحد بالشام
لاچن الأزید هظم راس الضرغام...ليزيد شافت والطشت یمه
بالخيزرانه ایوسمه او يضرب ابشفته...سالت دمعته

نادا يبو السجاد اگعد يمي...بالك تطالب عگب عيني ابدمي
عندك اوليدي اودیعتي يبن امي...وحط ايد جسام اعلی چف عمه
عگبي اريد اتعرسه وتحضر ابزفته...سالت دمعته