سجادك يحامي الجار...عگب حسين ونصاره
مثلك ظل جليس الدار...ليله ينوح ونهاره

یحیدر حزن سجادك مثله ما سده ولا صار
رد امن اليسر مهظوم لاچن ظل جليس الدار
عينه ما تشوف الماي اله وتهل عينه اعبار
يذكر عطش چبد حسین * من ظل بين المیادین * يبچي ويهل دمع العين
یگول اشرب و بوي حسين نایم رغد فجاره

گامت تگصد الشيعه لعند الدار وتگله
يا تالي سلف هاشم ابروحك هلتن هله
انته رحمة الباري ولوجود الخلگ عله
بطل ونك ونوحك * ساعه اوزادت جروحك * لا تبچي وتغث روحك
صار الچتل عاده الكم ونته اتعلم بسراره

من يسمع حچي الوادم دمعه يهل على اخدوده
یگللها النبي يعگوب واحد چان مفگوده
وولده احدعش عنده ويعلم چان بوجوده
شاب الراس من عنده ودمعه ايهل على خده
وظهره اتگوس الفگده
وكل يوم اليمر جبريل يتعناه بخباره

وانه اسبوطعش مهيوب غير الواحد وسبعين
وغير الطفل عبدالله اخوي وغير ابوي حسين
شفتهم على الأرض نومه ابذاك الحر بلا تچفین
يهل الوادم تلوموني * لمن ينخطف لوني * شفت عباس بعيوني
گطعو بمنته العدوان فوگ النهر ويساره

والله ما تصد عيني يهل الوادم العماتي
اله اذكر مصيبتهن وذکر لوعة اخواتي
عگب ذاك الهظم والظيم شلي بعد بحياتي
اروحن باليسر ونگاد * وطب المجلس بن زیاد * يگلي يا علي السجاد
ابوك حسين چاوينه وجيتو المجلسي ایساره

يهل الوادم وبعد اعظم مصيبه المرت اعلينه
حين الي وصلنه الشام وعلی ایزید طبينه
شفت الطشت جدامه وشفت العود بیمینه
يضرب راس ابوي حسين ومنه ایگول اخذت الدين
وانه اتشوف مني العين
وعماتي يشوفنه ودمعهن تسچب عباره

وگفنه ثلث ساعات وحنه ابحبل مچتوفين
لاچن مطرب اوفرحان واعلينه يدير العين
عاين للرباب وصاح وين حسين عنچ وین
وین حسین چاوينه * ويشوفچ لفيتينه * انتي وبتچ سکينه
وگام ایشتم الکرار جدي الما يذل جاره

ظل من عگب ابوه حسين ياحامي الحمه مده
ليل نهار ما یهجع ودمعه ايهل على خده
لمن سمعته العدوان والسم مرده الچبده
ظل اینوح محرابه * اشحال ابنه على مصابه * لمن جرده اثیابه
وشاف الجامعه والگید دمهن گام يتجاره

گام الباقر اینادي اويلي عليك يا مظلوم
فوگ الحزن ومصابك يظل جرحك الهذا اليوم
يخويه من مثل شخصك بگه طول العمر مهضوم
ویلا يعملت کربله * البيها الحيود امچتله * وذلت بني عمر العله
وبعودي بگت لليوم ذاك الهظم أثاره