في دفن باقي الأجساد وجسد العباس عليه السلام
واری ابوه احسین في قبره الشفيّه...واقبل إلى دفن الأهل باقي البقيّه
اوعاين على الرَّمضا اثمنتعشر غصن شاب...أوشاف الولد جاسم ابجفَّه ايلوح لخضاب
نادی فجعتوني ابذبحتكم يلحباب...كلكم توسَّذدتوا على حرّ الوطيه
واری اهل بيته اوعمامه والعشيره...لحباب والأصحاب كلهم في حفيره
أورد ايتزفَّر یشعب اليسمع زفيره...أوراح الشریعه اتسيل عبراته جريّه
أولمن وصل يمّ البطل عباس عمّه...أوشاف البطل عباس متزمِّل ابدمه
صبّ الإمام ادموع عينه أوزاد همه...نادی یبو فاضل يجيدوم السريّه
لحد يشيّال اللِّوى تقطع هالزنود...لحد يسقّاي العطاشی شقّوا الجود
يعصاب راس احسین راسك صابه اعمود...واتجدَّلت من فوق مهرك عالوطيّه
يحزام ظهر احسين ياليث الحريبه...يا مجمِّع العسكر يا كبش الكتيبه
يحجاب صون اللي مشت حسری غريبه...خلّيتها ما بين لنذال اجنبيّه
ذيك المصونه اللي ضربتون السجفها...انته وخوتك والذي ساكن نجفها
ليتك تعاينها تصكّ ابراح كفّها...فوق المطيه اتصيح وين أهل الحميه
انته الجبتها ابذمتك وانته لها اكفيل...واليوم تتركها يبو فاضل على اعليل
من فوق صدره جامعه اوحلقه ابزنجيل...والله يبو فاضل خواتك في أذيّه
