سبط النبي صاح...يختي العزم راح
فوق المشرعه طاح...يختي العزم راح

شايل لواي وسیف نصري...يختي فجعني بيه دهري
فقده يزينب كسر ظهري...راح القوى وانعدم صبري
من شفته اموزع ابلرماح...يختي العزم راح

شفته رميه ابجانب الماي...مطروح يمه اتنكس الواي
حاله يزينب ذوب احشاي...ومن العضيد انقطع رجواي
وحادي الفنا بينا حدا وصاح...يختي العزم راح

كبش الكتيبه يا مصونه...بالمشرعه لو تنظرينه
بعمود راسه فاضخينه...والسهم ناشب وسط عينه
مخه سويه ودم لجراح...يختي العزم راح

راح الأخو وقلت الحيله...عطشان ما برد غليله
بعده علمنا من يشيله...وما ظل الي واحد بديله
وظليت اصفق راح ابراح...مني العزم راح

نادت وعبرتها سكيبه...کان انجدل كبش الكتيبه
يا هو بعدكم نلتجي به...قلها علينا بالحريبه
طير المنيه رفرف وراح...يختي العزم راح

صاحت ومنها الحزن جواي...بعدك وبعده وين ملجاي
وياي شيل الحمل وياي...وايتامكم تتصارخ احداي
نادى ودمع العين سفاح...يختي العزم راح

الله عوينك يا مصونه...كلنا يزينب تفقدينه
وما حد يرد منا المدينه...وبالترب جسمي تنظرينه
وراسي اقبالك فوق لرماح...يختي العزم راح