وصية الشيعة
الزوار الحسين عليه السلام
ياللي تسوقون الظعن لزيارة احسین...ریضوا اشويّه واسمعونه یا مسلمين
ريضوا اشويّه واسمعوا مني الوصيّه...ليمن وصلتوا بالظعن للغاضريّه
بلغوا سلامي للسبط منو اعليّه...أوقبّلوا ضريح احسين واجروا دمعة العين
قبلوا ضریح احسين عني بالنيابه...أوخلّوا ادموع العين تجري بانسكابه
وحسین لیمن سمع للمسَّلِم اجابه...يرجع سلام اللي قريبين أوبعیدین
عندي عن ابن الهاشميه خبر تأكيد...يرجع سلام اللي يسلّم لو من ابعيد
أوطوبى إلى اللي يلزم الشبّاك بالإيد...أوين حول قبر ابن النبي ايعفّر الخدين
وزيارة المذبوح برض الغاضريّه...ابسبعين حجّة من حجج خير البريّه
أوهذا الخبر مشهور في العالم سويّه...قول النبي المصطفى سيد الكونين
وأمّا الزيارة الأربعينيّه ذكرها...ربّ الأنام أوشاع في العالم خبرها
فاجر ابن فاجر الكذَّبها أونكرها...واليحتضي بيها يروح امن السعيدين
يا ليتني قدّام كل واحد من الناس...والزم ضريح ابن النبي طيّب الأنفاس
واصيح يالمدفون بس جثّه بلا راس...روحي فدالك يا غريب الدار يحسين
يحسين يا ریحانة الهادي يمظلوم...يبن البتوله صدق غسلك فيض لدموم
والماي يمّك وانته امن الماي محروم...يا اکرم الناس ادفنوك ابغير تكفين
