[ موشح للحسين (ع) ]
حسين للهادي النبي ابأيّامه...الروح والريحان والشمّامه
يعلن اينادي اعله جمع المسلمين...احسين منّي وآنه من ابني الحسين
لحمه لحمي اودمّه دمّي اوبي الدين...يحتيي اوترفع نهضته اعلامه
آنه داعي الدين ونهضت ابعزم...اوشرّعت شرعه اوبين عمّي يتم
اومن تريد اعداي للدين اتهدم...ایشیّده احسين اويعيد احكامه
دین خاتم للديانات الجمع...دين رحمه اوسمح بحكامه وسع
لون ماغدر الاول ما ينصدع...الكون چاكلّه اجهر ابأسلامه
امن السقيفه ابسهم لو ما ينرمي...چان هذا الدين اصبح عالمي
اشما على وجه الارض ليه ينتمي...لاچن الامّه السعت بعدامه
انگلبت اعليه من ظعن سيد الرسل...ابدال مینصروه يرموا بالنبل
سل بني اسرائيل عبدوا فد عجل...اعجوله هالامّه اعبدت هدّامه
لا تسلني اشلون عبدوا للعجول...من عگب عين النبي الهادي الرسول
سل علي الكرّار والزهره البتول...وانته تعرف كل عجل وآثامه
اثنين عبدوهم ابضحوية الثنين...اومن بني ميّه ثلاثه امبيّنين
خمسه جدّوا واثبتوا شرعة الدين...اوخمسه ردّوا للشرك واصنامه
سل على الخامس نغل هند اشأله...من جرايم على الدين اوعالمله
نسف عرش الدين جيشه ابكربله...اوفتحت ابطون الكتب اجرامه
لاچن الخامس امن اصحاب العبه...نهض نهضة شرف عز امهذّبه
بالصبر مدرع اومطوس بالابه...اوهشّم اخشوم الشرك بحسامه
ظمن سفيه الراي ابن هند الرجس...يطفي نور آل الرساله اوینطمس
بعد ما يدري الامر يصبح عكس...صابته اوردّت عليه اسهامه
خاطبت زينب يزيد ابمحظره...انته مثل اليحز سيفه ابمنحره
يفري جلده اويحز لحمه اوما دره...اوبالجهل يتفاخر اويتسامه
اجهد او أسعه اوتشمّت وافتخر...نورنه ما ينطفي اوتمحي الذكر
احسابك المگلوب صافيّه صفر...تعرف الحگ اوترد تتعامه
راد يحرگ گلب زینب بالوكت...گال راس احسين جيبوا بالطشت
گام بالعوده يضربه اومشتمت...اونكر روحي الله اوهتف بصنامه
شافت الزهره مصایب ملها حد...لچن زینب شافت امصايب أشد
من بلد شر يسّروها الشر بلد...امسلّبه اودم الچبد يتهامه
شاهدت طشتين زينب من عگب...كسر ضلع امها اوسگط حمل اوغصب
طشت بي چبد ابو محمّد والگلب...وذر بالسم والطشت جدّامه
اوطشت شافت راس الحسين الشهيد...اوبيه يضرب مبسمه الفاجر يزيد
اشحالها من شافته الراس العميد...ابّين ادين ابن الزنه اوخدّامه
اوشاهدت جسمين بسهام انرمن...جسم ابو محمّد المظلوم الحسن
اوجسم اخوه احسين برض الطف لمن...وگع بسهام العده يترامه
ما وجد بالكون محشومة گدر...ما نذهلت للمصايب من تُمر
مثل زينب صابره اوأضحه الصبر...يحترمها اوطأطأ الها الهامه
امن انوجد آدم على وجه الثره...لعد يوم الحشر ما يجري اوجره
عالمصايب أبد ما توجد مره...مثل زينب ثابته اومقدامه
حرّه ابيّه ظيم ماتعرف الذل...مثل اخوها حسين محموده الفعل
اوبالبلاغه فرع والوالد أصل...حلم واوهبها العلم الهامه
والله لو مازینب اوزين العباد...ضاع دم احسين وارتد السواد
اظهروا دين النبي اونهج الرشاد...والكفر دكّوا صرح احكامه
