[ موشح للحسين (ع) وزائره ]
یمن گاصد كربله حيّيها...سال دم احسينها ابواديها
لاچن انشدها اوعبراتك تصب...مثل صب المطر دم امن الگلب
وين ابوالسجّاد وعياله الغرب...عنهم احچيلي اشصار اعليها
گالت احچيلك وخذ منّي الصحيح...والصدگ عندي خبر مسند وضیح
لاچن امن اذكرلك اسكت لا تصيح...واحبس ادموعك اولا تهميها
نزل برض احسين وصحابه اوهله...اورحبّت بيه اوگلتله ياهله
گال شمسچ گلتله كربله...گال بیچ النايبات الجيها
يوم والثاني اولن غيمة الخيل...والزلم تتره اوچنها اسواد ليل
دارت اعله اخيام ابن حامي الدخيل...هاي اوّلها اوبعد تاليها
اویوم عاشر نزل بيهم ما نزل...ظنك متبوع ابكدر شر اوهل
ما بگه ابّيته عدل الاّ انچتل...آه حتّه الرذّع امذبحيها
ظل ابو السجّاد ياويلي فريد...لا ولد عنده او إبن عم اوعضيد
گا يتوسّف اويصفج ايد بيد...عالفواطم بعد من يحميها
صاح هل من ناصر اوهل من معين...سيّدي لبيّك ياگرّة العين
وين يا هالناس چنتوا عنّه وين...ماحضرنه الدعوته انلبّيها
فاتنه يومك يبو زین العباد...والوسف ما فاد ويفسّر أفّاد
گوم ليك الظعن من الشام عاد...اوخيمة أبنات الرساله ابنيها
اوشوف زینب حالها اومنها اختبر...ما عليها أجره اوسده ابذل اليسر
آه من صدّت يويلي للگبر...اومت اعله احسين واغمه اعليها
اونادته والدمع دم عالخد سچب...لاچن ابحرگه اوملامه وبعتب
فارگتنه اوغبت من عدنه السبب...والودايع عندك امودعيها
هوت فوگ الگبر لاچن من هوت...روحها گبل الجسم منها اسگطت
زمّت اترابه اولعد گبره احظنت...اشلون گلي الهامصيبه احچيها
طاش فكري اوتاه رایي ما عرف...ما علی زینب سده وشلون اصف
كلما ريد احچي دمع عيني ايهدف...اويسبگ الساني نهر جاريها
تدري يبن اللّيث امير المؤمنين...من غبت بینه اشعمل عگبك البين
ما علينه ستر خلّوا يا حسين...امخدّراتك تستتر بيديها
يبو السجّاد اركبوهن عالهزل...اوكل يتيم ابرگبته طوگ اوحبل
لو بچت طفله اوصرخ منّه طفل...بالضرب عدوانك اترضّيها
اوغذت تشچيله الهضایم والهموم...والحرم عبراتها تسفح ادموم
واليتامه اعله الگبر گامت تحوم...چالفراخ الفاگده امربّيها
والمصيبه ياحسين التنذچر...اونقره بيها الوادم اليوم الحشر
طبّت الشام اويباريها الشمر...اونوگها الفاجر زجر حاديها
يبو السجّاد اويريحان الرسول...گصدي اسولفلك ارخصني امن ارد اگول
طلعت اهل الشام تضرب بالطبول...مطربه وتهلهل اغوانيها
بعض يشتمنه اوبعض بينه يسب...اوبعض يضربنه اوبعض صافج طرب
وابنك السجّاد ساچت ينتحِب...اورگبته بالجامعه امطوگیها
والامض امصاب ياسم بالضمير...طبّبونه المجلس الطاغي الشرير
فوگ راسه التاج گاعد عالسرير...اوناصب ایهوده على اكراسيها
آه يحسين اوبالحبال النسه...امربّطات اوواجفات ابمجلسه
ساكتات اوما بهن متنفّسه...اونار هظم اچبودهن تصليها
