شال من طيبه السبط شبل الفحل...ابليل واصبح كربله اوبيها نزل

صاح يشبول المنايه والشيم...دونكم هالأرض بيها ابنو الخیم
وانصبوا لي عمد صيوان اوعلم...اوغير هذا المحل ما النه محل

اودانوا اخدور النسه ابراي اوفكر...خيمه يم خيمه اوخدر عند الخدر
اوحفروا لاچن دون مبناهن حفر...اليوم دوّنه حرب يوم الجمل

اوسوّروا المبنه یگومي بالسلاح...بين بيض اونبل واكطع اورماح
حتّه اینادي المنادي بالرواح...صوت بي نطرب اولعدانه وجل

اوكتب للكوفه شبل حيدر اکتاب...لأبن ظاهر خاص والبعض الصحاب
جد وجه الطارش اواوجي على الباب...لابن ظاهر من ابو اليمّه انرسل

نادته بت عمّه ابحسره اوونين...يا حبيب انهض لعد ساعي الحسين
صرخ بيها لا يهالحرّه اتحچین...ما النه اویه احسين من رجوه اوأمل

عگب ما بيها اختبر والها عرف...اوشفا ملفتها على العز والشرف
گال خوفي اعليج من سهم التلف...او على اطفالچ حين يبعدني الأجل

نادته والحيل من عدها دوه...اومشعل المظلوم بحشاها دوه
احلفت بالحنظل اقوت اوبالنوه...واشرب العلگم واحسبنه عسل

صاح دونك يالعبد غوجي اليكر...واخذه للبيده اوعلى ساعه انتظر
حين اجه شاف العبد ويه المهر...يخطب اودمعه اعله وجناته تهل

اسمع ایگلّه يهالغوج النجيب...الرقه ظهرك لو بطه عنّك حبيب
واجد واگطع واصل لحسين الغريب...وافتدي عمري وافادي بالاهل

بین ما يخطب علی اصحابه الغيور...اوفلك ما بيناتهم صوته يدور
لن عجاج الخيل بالبيده يثور...گال ابن ظاهر علي هذا الگبل

اوبين ما تربي الغوالب للدرب...لن ابن ظاهر على الصفوه يطب
گامت اوگام ابن چشّاف الكرب...وابن ظاهر من ظهر غوجه نزل

سلّم اعلیهم اوحيوا بالسلام...اوفات محني الظهر لاچن للامام
هوه اوحب ایده اوطاح اعله الاجدام...بچه اودمعه الحال ابو اليمّه همل

ياهله ناده ابوصلك يا حبيب...يامن الهل الدين والگلبي حبيب
نادت ام الحزن لاچن بالنحيب...اشصار گلّولي الوكت بينه اشعمل

جاوبوها هوّني اوگرّي العين...اولا يبضعة فاطمه تتوجّلين
هذا ابن ظاهر لفه ليكم امعين...سيف وبچف سبع بي صح المثل

گامت ابأيزار امها ام المصاب...اولفت للطيبين بت داحي الباب
نادت اتعرفون جدّي يالاصحاب...نعم جدّج سيّد اشراف الرسل

ردّت استثنت اونادت يالاحرار...امنین آنه اومنهو عودي يالانصار
جاوبوها المرتضه اوحامي الجار...اسم ابوچ الشمس ماضيها ايأفل

ردّت التفتت اونادت يالرجال...يالذي محيين بالطاعه اللّيال
هلّه الهل ابولینه والعيال...حرم الهن شان بالدين اتّصل