ياطريح بيا كتر جسمك طريح
انجانك يحسين بعدك مو ذبيح
اسمع اعيالك واطفالك تصيح
وبيك تنخه والعدى ايضربوهه
-----------------
كوم شوف اشلون حالته غدت
اتسلبت واتشردت واسحكت
والخيام الي عليهه اتحركت
وهايمه ابطف كربله خلوهه
-----------------
طفله تنخه بيك يضربهه الشمر
ابصوطه والصوط ابمتنهه ينكسر
حرمه تبجي عليك من بيت الخدر
بسياط اعدائك ايستوهه
-----------------
الفزع من المعركة عل الخيم غار
والخيم يحسين شبت بيهه نار
لن الايتام الزغار أعله الاكبار
وكعت ابهنار من شبوهه
----------------
خوية لو عندك بعد يحسين حيل
كوم خلص الحرم من هجمت الخيل
ولون حيلك جي دمك يسيل
انعذرك وخلي الحرم يولوهه
-----------------
لجن يامظلوم ياريتك تشوف
حالت اختك زينب ابوادي الطفوف
زينب الجانت تضللهه السيوف
بس رحت عنهه العدى سلبوهه
-----------------
اتحوم ضلت حايرة من كل كتر
اتلم حرم واطفالهه متيه الذخر
شرد اكول اشكثر اطفال اشكثر
هامت وبخيولهم سحكوهه
-----------------
جم طفل من هل الاطفال الهايمه
راحت ادوره يبن حامي الحمه
ولنه ميت عل الارض من الضمه
وجم يتيمه امن العطش جتلوهه
------------------
كوم ارحم زينب المظلومه كوم
مو محلهه اتعوفهه امحيره اليوم
اتحشمك وعليك ياويلي تحوم
اتريد يمك توصل ايمنعوهه
------------------
ياحسين اشلون ياوالي الحرم
صوبوا قلبك العدوان ابسهم
هسهم بيه والله ياراعي الشيم
امك الزهرة أظن صابوهه
-----------------
ياحسين اشلون نايم عل الثره
ونار قلبك من ضماك اموجره
وجثتك ابضرب المواضي اموذره
ومهجتك من عطش كل كطعوهه
------------------
انت فوق الثره امكطعه جثتك
وتشتجي امن العطش جمرة مهجتك
والعدى يحسين تسمع نخوتك
وتسكت ولاجنهم يسمعوهه
------------------
