فارس بنی هاشم:
لكهدها اعلى السرب و الخيل رفها...او لم ارواحها ابسيفه اوخطفها
فل الحزم و الرايات لفها...او لف خيل الموخر بالمجدم
صرخ بيها او يخذم گام بالشوس...اوخله اخيولها اعلى ابدانها ادوس
تسابگ مرهفه او رمحه على الروس...ينثر گام هذا أو ذاک يلظم
يحوم ابها او يخز عين الطليعه...او شحن بچتولها افجوج الوسيعه
چسب نوماسها او طب للشريعه...او چبده من لهيب العطش فحم
غرف غرفه ابیمینه او راد يشرب...او گلبه امن العطش نيران يلهب
ذکر چبدة عضيده و الدمع صب...ذبه او علي گال الماي يحرم
يحاچی المای گام او تهل عينه...يماي العذب ليش اگطعت بينه
عسنك من بعد لوعة اسکینه...تمور او من جميع الارض تعدم
اشلون اشرب وارد ریان عنک...و اخوي احسين ورده انمنع منک
ينهر العلگمي عگبه عسنک...وردک لاهنه و يصير علگم
مله جوده او طلع فرحان بالجود...رکب غوجه او للمخيم نوه ایعود
عليه صاحوا العده اوردوا اردود...او داک الجيش كله انگلب ولتم
جذب سيفه او علگ بالحرب ناره...او شگ اصفوفها او سدَّر الغاره
بروا يمناه و اخذ سيفه ابيساره...او گال ایهون بس الجود يسلم
ما ذل و بگطع يمناه باله...نحرها اوكل هذا الجيش شاله
اويلي اعليه من گطعوا شماله...وگف مغبون و الحاله ایتهظم
دوه العسكر عليه و اتكاثر الويد...او طروا هامته ابعامود الحديد
تكوَّر فوگ نهر العلگمي الحيد...أو ظهر احسين لفراگه تفصم
