أخذ طفله او طلع منّ المخيم...او گام اویه العده احسین ایتكلم

شال احسين طفله او صاح یا گوم...فنيتوا اهلي او چسبتوا العار و اللوم
ما ظل غير هذا الطفل هاليوم...او من شان الخلگ للطفل ترحم

من حر العطش يبست اریاگه...رضيع او لا اله اعلى الصبر طاگه
روحه افغرت و انوت على أفراگه...او چبده امن العطش ذاب او تولم

انجان الكم طلب عندي او تريدوا...دگلولي الطفل هذا اشتطلبوا
مني اخذوه لیکم و انتم اسگوا...گبل ما يلحگ اعليه المحتم

طلعله حرمله او عاین الجیده...رماه او طاحت النبله ابوريده
اشحال احسين من عاين اوليده...شبگ صدره او لعند الموت سلهم

سدر للخيم و ادموعه يهلها...تعاي اخذي الطفل لمه يگلها
طلعت صارخه او شافت طفلها...املولح رگبته او مخضوب بالدم

غدت تخمش ابخدها اعلیه و اتنوح...يعبدالله يبعد العگل و الروح
ماظنيت يبني اتعود مذبوح...او يفطمک حرمله ابسهم المحتم

يعبدالله الذنب شنهو العملته...رضيع او حرمله اتفطمک نبلته
ردتک عگب ابوک اترد وحشته...او تسليني علي من يكثر الهم