نوحية في رثاء العباس عليه السلام
يا مظلوم...عجِّل قوم...عباس طاحت رايته
في الميدان...والعدوان...من كلّ جانب حاطته
يحسين شَيّال العَلَم قوموا لَه...شيّال بیرقكم رئيس الدُّولَه
واللّي دعا فِرسانها مذهوله
قوموا اسريع...للتوديع...قبل تروح ارويحته
راح الشهيد احسين سبط الهادي...ايصيح انكسر ظهري ابذَبح اسنادي
شيّال بیرقنا طحت بيّا وادي
طايح وين...جاك احسین...يِبكي أو يجري عبرته
لـمّن وصل عندَه احتَزَن من شُوفَه...أو عاين لـمُخَّه ايسیل فوق اچتوفه
ومن الزنود امقطَّعه اكفوفه
شاف الجود...يَمّ الطُّود...عبّاس يـَمّه رايته
صاح انكسر ظهري أو غَدِت عِدواني...تشمت عليّه يا ضيا صيواني
فقدك بـَهَض عزمي أو هَدّ اركاني
بين ارجاس...یا عباس...خلّیت اخوك ابوحدته
بیرق عضيدك طاح يا شيّاله...ياللّي عن اعضيدك حملت اثقاله
یا سَبعي الضاري على الخيّاله
كيف اتنام...یا ضِرغام...وحسين فلّت دُولته
عباس نادى ابوَنّه مخفيّه...ظلّيت وحدك يالعزیز اعلَيّه
اشبيدي أو چَفّيني غَدِت مِبريّه
خَيّك چان...بالميدان...زلزل الكوفه ابحملته
اشبيدي أو كفّيني العدی قطعوها...أو بعمود خويه هامتي فضخوها
أو عيني اليُمنى بالسهم خسفوها
خويه احسین...دير العين...للبطل عاين حالته
