لَكبَر طاح...والمصباح...من خیمةِ احسين انطفى
یا مظلوم...عجِّل قوم...وِدرِك شبيه المصطفی

يحسين قوم ادرك شبيه الهادي...ما تسمعه يحسين بيك اينادي
ايقلّك يبو السجّاد كلّ اجهادي
بالميدان...والعدوان...كلهم أهل ظُلم أو جفه

راح الشهيد احسين لـمّن سمعه...يصفُج ابراحاته أو يجري دمعه
اینادي افجعوني ابنور عيني فجعه
بالكفّين...عالخدّين...يلطُم أو دمعه يِذرِفَه

أو لـمّن وصل عنده أو عاين حاله...أو عاين يشيعه اموزَّعه اوصاله
يفحص ابرجلينه ابحُرّ ارماله
حالاً طاح...فوقه أوصاح...بعدك على الدِّنيا العَفَه

يَبني على الدِّنيا العفى من بعدك...يَبني ألف وسفَه ايتعَفَّر خَدَّك
يَبني بالمخيَّم ودایع جدّك
حطّت نوح...قوم انروح...سَکّت بنات المصطفه

يَبني دقوم انروح إلى عمّاتك...بَلكي تعالج زینب اجراحاتك
أو ليلى يَعقلي تِلچم اصواباتك
ليلى اترید...یا صنديد...جسمك تشمَّه أو ترشفَه

وَحنی علیه ایقبّله ويرشفه...أو يجري دمع عينه ويصكّ ابكفّه
أو بّردته قام الشهيد أو لَفّه
للصيوان عالي...الشان...وَدّا شبيه المصطفه

ويصيح قومِن یا بنات الهادي...قومِن تری جاكُم عزیز افّادي
طلعت امنِ الفسطاط ليلى اتنادي
ليت الروح...چان اتروح...قَبلك يَشبه المصطفه