خويه احسین...دير العين...للطفل عاين حالته
قلبه ایفور...عينه اتدور...بالعطش ذابت مهجته
يا مهجة الهادي اعيونه...عاين رضيعك كيف صایر لُونه
واصطكّت اسنانه أو غارت عينه
قلبه ایفور...عينه اتدور بالعطش چِبده امفتّته
لـمّن سمعها احسين هَلّ اعيونه...نادى على اخته أوصاح یا مصيونه
من وين اجيب الماي يا محزونه
أوهاي القوم...مثل اغيوم حاطت على الما أوملكته
نادت يابو السجّاد یا والينا...وَدّه إلى العسكر عسی ايرحمونه
وتناول احسین الطِّفل بيَمينَه
والاثنين...لهفانين والكلّ توقد جمرته
لـمّن وقف بين الأعادي نادى...دِركوني ابشربه لطِفلي هدا
طِفلي ترى ضرّ العطش بفّاده
ما تشوفون...وتِنِظرون غارت يَوَسفَه اعوينتَه
راح اليجيب الماي حقّ رِضعاني...واليِسقي اطفالي معا نِسواني
وحزام ظهري أو عمد حَقّ صيواني
لمن طاح...عَزمي راح نال العدو بي فرصته
ابن سعد نادي حرمله أو جا يـَمّه...أو قَلّه يحطّ ابكبد قُوسَه سَهمَه
بالطفل يفجَع قلب أبوه أو امّه
يمسلمين...يَمّ احسين راخ الرجس من ساعته
ما بين ما السبط الشهيد اینادي...ما تعرفون ابنِ النّبي الهادي
لنّ الرضيع النحر منّه غادي
دمّه ایسیل...صاح الويل سبط الرسول أو مهجته