یا حجة الله جرّد احسامك البتار...وانهض ابدوله یا خليفة حامي الجار

قوّض صبرنا يالولي قوّض صبرنا...أوذابت مهجنا یا والي أمرنا
ونته عمدنا أوسُورنا ونته ذخرنا...ما دوبنا إلاَّ ننتخي بك ليل ونهار

عجّل ابذیچ الدُّوله المامن مِثِلها...مالها مثيل في جميع الدُّول كلها
يا مرحبا بيها أوياحيّ ابأهلها...أوياحيّ ذيچ الطلعة الحلوه يَمغوار

ياحيّ ذيچ الطلعه التجمع شملنا...أوياحيّ ذيچ الطلعه التجمع علمنا
بيها ایتأمّن خُوفنا أو ينحقن دمّنا...ونقول حيّ اعلى الفلاح ابليل ونهار

عجّل فدتك الروح يا باقي البقيه...عجّل ادركنا یا أبوالنفس الأبيّه
طالت علينا غيبتك يَبنِ الزچيه...مالنا ذُخُر غيرك يَمن بيده الأسرار

ما تاخذ الرخصه من الجبار وتقوم...أو تاخذ ابثار اللي انچتل بالفرض والصوم
واللي قضى او قلبه مقطّعينه بلسموم...واللي قبل کسروا ضلعها قوم لَشرار