ياللي طحت يَمّ الشريعه اشلون نايم...ما تنهض أوتحضر ازفاف الولد جاسم

جاسم امعرّس قوم یا عباس زِفَّه...أوخلِّ العشيره والأهل يمشون خلفه
إن كان ما تنهض تزفَّه من يزفَّه...تدرون ما ظلّ في الخيم غير الفواطم

قوم انهض أوتنهض يعباس العشيره...أوزفّوا ولدكم لا تخلّونه ابكسیره
ما تدري المظلوم في عرسه ابحيره...لَيكون ايروح المثل في عرس الهواشم

هذا يبو فاضل ولدكم زافِّينه...ما تنهض أوتمشي يخويه عن يمينه
أوخوتك عن اشماله أوخلفه ایشَيِّعونه...يا حَيّ مشيتكم ابهاذيك العمايم

صاح الشهيد احسین يختي من تنخین...تدرين أبو فاضل وقع مقطوع ليدين
والعين مخسوفه ابسهم والراس نصين...راح الذي يختي کفوا حقّ الملازم

لُو كان ويّاي اخوتي ما صرت حَيران...لكن يَرَبّات الخدر من آل عدنان
وياي قوموا زفّوا الجاسم ينسوان...لُو باللطم يمخدَّره والدمع ساجم

صاحت کسيره امعَرّس اتزفّه نساوين...قالها شسَوّي يختي الما عنده امعین
أوعنّا العشيره والأهل يختي بعیدین...هالساع تزويجه اوعقب نصبوا المآتم