تصهل ياجواد اشلون وعيونك تصب ادموع...مثل ثكلی حزینه امشاهده لوليدها مصروع

اشوف امدنّق ابراسك أوعينك تهمل العبره...أونوب اتحوم كالمسموم کنّك تطلب النصره
وَنا مثلك اتمناها أوحق البضعة الزهره...حب احسين في قلبي مثل خط الحجر مطبوع

بَطِّل ياجواد امن الصهيل أولاتصب العين...حقّ المصطفى أوحيدر أوحقّ مكسورة الضلعين
ابشرك وابشّر ابعزّك إذا ماجا حبيب الحين...لروحن بيك للمظلوم أوعمري فدوته مبيوع

أولن يسمع أبو امظاهر حبيب امخاطبة عبده...أوعاين للجواد ایحوم يصهل والعبد عنده
لمن وصل يمه صاح ودموعه على خده...لیت الخلق تفدي احسين من راضع أومن مرضوع

ظل يصفج اكفوفه أوصاح لحد يا غريب الدار...يبو السجاد تتمنى العبيد اتصير الك انصار
أوعلى قتلك يسبط المصطفی تتحزب الأحرار...كأنهم ما يعرفونك يمن بيه العرش مرفوع

صاح ابعبده امبارك ارجع بارك الله فيك...الوجه الله عتقتك روح عين الباري اتباریك
أولن عبده ينادي بیه باحب ايدك أورجليك...وادري امجادل المملوك ويّا سيده ممنوع

لكن بس على الأحرار وجبت نصرة المعصوم...لُو حر أوعبد قلّي قلّه والدمع مسجوم
على الحر والعبد معلوم وجبت نصرة المظلوم...نادى عجل وياكم اخذوني والحكي مقطوع

عشت وياك يا عمي ابخدمتك في فرح وكدور...أوكيف اليوم يا عمي أرد أوخاطري مكسور
والما ينصر المظلوم عند الله مهو مشکور...أونصر احسين يا عمي امن الباري فرض مشروع