[ موشح في شجاعة القاسم بن الحسن (ع) ]
امنين هالبدر البرز من الخيم...جاسم البالهام حگ سيفه جسم
برز لاچن برزت اوياه اربعه...الموت وسنانه الويه ومشعشعه
حر عريب الخيل وجهه اوبرگعه...مطلع الحرّه اوبسم ربّه احتزم
ركب لاچن اربعه اللّي بي تحف...رايته والنصر سيفه والحتف
يرتجز لاچن ابعز جدّه ایحلف...حيدر الجن طاعها ابذات العلم
لبس درعه اولبس من گلبه الخمس...اشكل امن الدرع واضوه امن الشمس
مجد جود اوشرف عز عفّة نفس...وابن لولاهم الكون اصبح عدم
لفه العمّه لاچن ادموعه تسيل...وگف يم عزة السبط مثل الذليل
آه لـمّن عاين احسين الجميل...بچه اوسيل الدمع بخدوده وسم
ياهله ناداه ياجاسم لوین...طالع امن الخيم ياگرّة العين
جاوبه الجاسم يعمّي يا حسين...خاطب أم الفخر درخصني يعم
يا عزيزي اشلون ارخصك تنچتل...وانته الوديعه يجسّام اوطفل
للخيم سدّر اوظل بيهن عدل...اوسلّي ابن عمّك الهد حيله الولم
من سمع جاسم بچه اودمعه سچب...اوصاع ياعمّي اودلاّله انشعب
تظن يحسين أرد سالم للطنب...لا وابوك الحل كسّار الصنم
جعفر اوعثمانها اوعون او علي...اوعمّي العباس وعمامي اوهلي
بالشهاده اتحظه اويهنه العيش الي...لا يعمّي احسين والعز بالوهم
ودّعه مهجته اوللغالي ارخصه...الگوم لاچنها ابكثر عد الحصه
رجف ملچ الموت من شافه نصه...منّه چي صارمه بعّض للخدم
اغضب المعبود جاسم من غضب...اوغدت ذيج الشوس تتراجف رهب
اوخطبته ام الفخر وهو الها خطب...اونادته من گبل ما يخطب نعم
اسفرتله اخدودها وهيه السيوف...اوسرّ حتله النبل وهيه الها ازلوف
اوخضبتله ابحتة الموت الچفوف...وانبجح وارتاح واطرب وابتسم
شبگته ام الفخر وهو الها شبگ...غدت تنثرله السواعد والگوگ
لو ومض سيفه هوت مهوه الورگ...من رمگها الشوس والباچي انهزم
من ابهاي الناس من شاف اوسمع...طفل طب الكون بالفرّس صرع
وگف بين اجموعها حين انگطع...بعض من اشراك نعله البالجدم
گام پلوي الشرك وبنعله يشد...ممـّن آمن الخوف مثلوج الچبد
آه لاون بالگدر ماله گصد...ما الازدي ابمرهفه الراسه جسم
خر شبيه الچوچب الخر من سم...بدر لاچن غيّبه برج الدمه
شمس لاچن بالمواضي امخذّمه...سبع لاچن افتكت بيه البهم
صاح لـمّن طاح ياعمّي اونخاه...سمع صوته اوچالبرگ عمّه لفاه
آه لـمّن عالرمل جاسم لكّاه...بالعزيزه ابنازع اوجسمه خذم
شرعبت بي شيمته الطيبه اوزعل...اوجرّد الماضي اوعلى العسكر زعل
ظفر چتّال ابن اخو اوبيده كتل...اوسور للجاسم ولاچنّه انهظم
وگف عد راسه اوجذب حسرة جمر...وحنه اعليه ظهره اوحمل جسم البدر
وللخيم جابه اوخلاّه ابكتر...جسم ابن عمّه علي اودمعه سجم
