[ في رجوع السبايا للعباس (ع) ]
عبّاس شگ الضريح اوگوم...ظعن الفواطم لفاك اليوم
يامن الهاشم گمرها التام...ظعن الفواطم لفه امن الشام
ابني الخواتك تگوم اخيام...واتلگه زينب ضحه اوچلثوم
بيدك انزلهن براضه اوهون...لا تخلليهن غرب يدنون
لاچن انشدهن يليث الكون...واختبر منهن كدر وهموم
واسطنت واسمع يحر يهلال...وهي الجنابك تبين الحال
من غبتوا عنها ولوها أنذال...ولية انذال ابشهر میشوم
والصار بينه اوسده ما صار...مادعوا عدنه يزر واستار
وجّوا خيمنه يخويه ابنار...والخيل گامت علينه اتحوم
چم وچم يرضع خشف مذعور...آه اورضيعه عزيزه اتنور
تركض وره امها والام تجور...بالبيده تعدي اووراها الگوم
اوداروا يخويه على الوجعان...رادت تذِبّه بني سفيان
سلبوا اهدومه او على التربان...خلّوه عاري ابلايه اهدوم
اولـمّن يخويه اعلينه اللّيل...جن ابظلامه اوظلامه ابخيل
ظلّينه ارامل بلايه اچفيل...لاچن عليك انعتب وانلوم
يبن الصميده الفحل عبّاس...بعد اختبرلك يراعي الباس
بينه خصيمك چسب نوماس...واشفه غليله اوبره امن اللّوم
لاچن يليث الحرب معذور...ما سدر منّك هجر واگصور
جينه الضريحك يخويه انزور...اونسچب عليك الدموع ادموم
لاچن يسبع الحرب ياحيد...يامن لخيّك احسين اعضيد
عدكم يهلنه نظل انريد...حتّه ایتوفّانه المحتوم
اونگضي عمرنه ابمنازلكم...اونلطم اونبچي اوننعه الكم
يولا يجينه شهم منكم...مثلك امصيّت فحل معلوم
نذرٌ علي لأن عادوا وان رجعوا...لأزرعن طريق الوصل ریحانا
نذر وعليّه يجب مازال...ان عوّد الله ابشمل عدنان
لعمل وليمه وصوم اهلال...وازرع طريق الوصل ریحان
كل المصايب يليث الكون...سهله وعليها تنام اعيون
الاّ الهظيمه محال اتهون...تسهر عليها العيون اليال
ابجور الشماته وسفه العدوان
