[ موشح في السجاد (ع) ]
آه لمصابك يزين اعبادها...زلزل العالم اوسبع اشدادها
تضرب الوادم ابیعگوب المثل...شاب راسه وانحنه ظهره اونحل
اومن كثر ما ينحب اودمعه همل...ابيضّت اعيونه اوزال اسوادها
اشراح منّه اشذهب گلّولي اشفگد...صار بي ما صار دلاّله انمرد
گالوا امن اولاده العشره ولد...باعته الدنيه على اولادها
او مطّلع یعگوبها اوعنده خبر...عدل يوسف ما عليه مر الخطر
اوعشره عنده اوما الواحد بالعشر...لو غده عنها يخل بعدادها
اشجاب یعگوب النحيبه والونين...ما يجادي سگم زین العابدين
يوم واحد اخذمن خيمته البين...سلف والخيمه هِوَت لعمادها
اسبوطعش شاب امن اخوته والعمام...بين شمس او چوچب اوچالبدر تام
هوت لاچن عالسيوف اوعالسهام...والتراب امسه يويلي اوسادها
ایشوف شبّان اهل بيته والشبول...چالضحايه امطرّحه فوگ الرمول
آه ياويلي اوعلي اجثثها الخيول...تلكد وأمسه عليها اطرادها
ايشوف ابوه احسين من عنده الجسم...بالمواضي الگوم داعيته خذم
ما عليه كفّارهاخلَّت هدم...آه من شر العده اوفسّادها
ايشوف روس اهله على روس السمر...حاملتها اعلوج سفیان الكفر
ابراس ابو أمسه خَولّه يفتخر...عد يزيد الرجس وابن ازیادها
ایشوف عمّاته اوخواته امسلّبه...اوهند وسميّه ابملكها امحجّبه
اوجسم ابوه الخامس من اهل العبه...اعله الثره اوراسه على ميّادها
اوچم رضیع ایشوف يلعو اویضطرب...والعطش بحشاه نيرانه تشب
جف حليب امّه اوغده ابچيده ايحلب...سهم نمرود اوثمود اوعادها
اوچم رضيعه ما يفارجها السدر...وهيه متفارج ثدايه امها التدر
لاچن امها ابكتر والبت ابكتر...والثنين الخوف ذاب اچبادها
يبن من ابسيف ابوه الله انعبد...وانشكر ما زال سعيه وانحمد
جاوزت ياسيّدي ابحزنك الحد حيث...حزنك للأنذال اعيادها
مايبو محمّد اوياشبل الحسين...نفسك تسكّن بچاها والونين
منهو منكم سطه اعله افراشه البين...سره السيف اشخاصكم من عادها
ماسمعنه الكم مشيب اولا كهل...عالوسايد مات بمراض العلل
انفوسكم طيبه او عادتها الچتل...حيث لن نلتوا الشهاده امرادها
سيّدي ما دونك السان الحزن...صاح واخرس اوگطع لوم اللّسن
الجتل میراث من والد لابن...استارثنّه ارواح من اجدادها
والچتل للزلم بحدود السيوف...فخر عز اوشرف بي ذل ماتشوف
لاچن احچيلي گبل يوم الطفوف...بالحروب الماضيه وطرادها
