اي وحگ عيسى ومحمد والخليل...ما نسينه كسر ضلعچ مستحيل
عالعهد يا فاطمه...للحشر يا فاطمه
قالوا اسكت لا تجيب اسم الضلع...اكتفي بس بونينك والدمع
حيدري صوتك وحتماً ينسمع...تكشف الما عنده غيره والدليل
عدنه مقياس الشرف حب الامير...واليشك بضلعچ ابلايه ضمير
عالعهد وياچ ويصير اليصير...لو دفعنه نحورنه بحبچ قليل
كلمه يحچيها الگلب گبل اللسان...الكسر ضلعج نفضحه بكل زمان
واليمانع ماله ويانه مكان...لازم نعلمه الشرف ماله بديل
ثار المحسن يبقه أول مطلبي...حتى ترضى فاطمة ويرضى النبي
فاطمة أول قضيه بمذهبي...واليساوم عالقضيه مو أصيل
نعرف أصله الما يحب حامي الحمه...مو شريف الي ما يوالي فاطمه
والنكر كسر الضلع عينه العمه...هذا ويه الريح لو مالت يميل
نار محسن انا ما أنساه ابد...أهلي ربوني عليه من المهد
رافضي وطبعي أوافي بالعهد...وانا بالأصلاب شاهدت الدليل
