لاتناديني بسم يا فاطمه...أحسبني ياحيدر أبيتك خادمه

أني بنت أشيوخ اجيتك حره تعرفني العرب
والدي شيخ العشيرة ماخفه عليك النسب
ياعلي بس طلب عندي اتمنى تقبل هالطلب
ما أريد اتصيح بسمي وأنت التعرف السبب
لاتردني بهاي ياحامي الحمه...أحسبني ياحيدر أبيتك خادمه

أدري أسم فاطمة اتحبه بس يحيدر من صحت
قبل لايوصلني صوتك شفت زينب تلتفت
كبرت اهواي اعله امها تشوفه ماجنه بت
واني هالمنضر فجعني ياعلي وتألمت
زينب اعله اسم الزجية امعلمه...أحسبني ياحيدر أبيتك خادمه

بهدعش حلمان يوسف واني حلمي بربعة
وباجر التاريخ يذكر بيرهم والمشرعة
جفوفهم جابت قميصه وسولفت عن مصرعة
واني اودي اجفوف لطف بيه تنزل واقعة
حلم ياربي ونول الغانمه...أحسبني ياحيدر أبيتك خادمه

الله ينطيني اعله نيتي وبيه احقق آمنيات
وهاي اول وحده صارت خادمة ابيت الصلاة
الثانية بشرني بيه علي ورب الكائنات
أني صرت ام البنين وماصرت ام البنات
أسأل الله كون حسن الخاتمه...أحسبني ياحيدر أبيتك خادمه

كل ولد من ولدي اريدة لخوته يوكف ضهر
ولو عطش عبد الله كون أيغيم وينزل مطر
من يشوف اولادي بالطف يحترم نفسه النهر
ولدي تعبانه برباهم شابعه عليهم قهر
ماقبل واحد يسولف بالضمه...أحسبني ياحيدر أبيتك خادمه

هية ألام اتعرف ابنهه وكمر هاشم مفخرة
أبني سبع الدنيا كلها شنهي سبع الكنطرة
الشمر مو خال ولدي ويخسة اربات المرة
ابني ثلثينه اعله ثلثة وكله يشبه حيدرة
ازنود ابو فاضل بغيرة موسمه...أحسبني ياحيدر أبيتك خادمه

راسي مرفوع ابنيني ولد ابوهم والنعم
الهم الف احساب تحسب من تكابلهم زلم
والمثل عباس جابت تفتخر جابت أسم
مو مهم افكد بنيني عندي الحسين المهم
يشهد عليه علي ورب السمه...أحسبني ياحيدر أبيتك خادمه