حرام...حرام
لا تقترب یم دُرت الباري
حرام...حرام
یعبر حدود اللّٰه الوصل داري
ابتعد لا تقترب آنه الزجیه...فاطمه و ابداري حماي الحمیه
آني خلف الباب اصیح و تدري بیه...احذر احذر لا تشیل ایدك علیه
أصیح...أصیح
وینك یبویه والدمع جاري
حرام...حرام
یعبر حدود اللّٰه الوصل داري
اعلیه وصاکم محمد و آني بنته...تدري خلف الباب انه و انته دفعته
شنهي ذنبي یاتره ضلعي کسرته...ما خفت ربك یمن وجهي سطرته
أموت...أموت
مظلومه وینه الیاخذ ابثاري
حرام...حرام
یعبر حدود اللّٰه الوصل داري
ضلعي بالعصره انكسر و انته تسمعه...تدري بالبسمار اللي ابصدري و تدفعه
راح اروح الربي وآني ابوجهي صفعه...عیني حمره و دعوتي ویاهه دمعه
أقول...أقول
هذا القتلني و هیّج أعباري
حرام...حرام
یعبر حدود اللّٰه الوصل داري
ابلا حجاب آني و لذت عن لا تجیني...ماکو غیر اتغشه بیساري و یمیني
تفرح و تضحك لمن تسمع ونیني...ابعصرتك متنه ولك آنه و جنیني
عجیب...عجیب
آنه انجتل یا قلت انصاري
حرام...حرام
یعبر حدود اللّٰه الوصل داري
من مشه عني صحت فضه تعالي...فضه یا فضه تره الموت اعتنالي
حاذري لا زینب اتشوف الجرالي...ازغیره بنتي و مایهون اعلیها حالي
أشوف...أشوف
زینب اجتني و شدهت افكاري
حرام...حرام
یعبر حدود اللّٰه الوصل داري
ماردت زینب تجي اتشاهد اخوها...میت و امها کسیره و شتموها
ما ارید اتشاهد امقید ابوها...و لا ارید اتشاهد الباب احرقوها
تخاف...تخاف
یا ویلي وانه ابصدري بسماري
حرام...حرام
یعبر حدود اللّٰه الوصل داري
فضه سندیلي تره الموته قریبه...هالله هالله ابزینب الحره الحبیبه
جن اشوفنها بلا خیمه و غریبه...لا اخو یمها و عله الناقه سلیبه
مصاب...مصاب
یوم الطفوف الیدمي انضاري
حرام...حرام
یعبر حدود اللّٰه الوصل داري
آه یفضه واللّٰه مو هاي الرزیه...کسرة اضلوعي تره بالغاضریه
من یطیح ابني و تدوسه اخیول امیه...یبقه عاري اعله الثره و اخته سبیه
غریب...غریب
راسه ابرمح و اعله الترب عاري
حرام...حرام
یعبر حدود اللّٰه الوصل داري
