(كأن رسول الله ليس لهم أب)
گبل میلفك وصيك حيدر ابثوب الچفن...هاجت امن أمتك على (أهلك) يبو ابراهيم الفتن
گبل ما تظعن اونورک عنها يالهادي ایخفه...وافتك امتك لان ريتك اتشوف الوفه
كل فرد منهم على اهلك جذب بالشر مرهفه...اوگاموا ایطلبون بيهم منك اديون المظن
أصبحت بضعتك بعدك گابعه ابثوب المصاب...او تنحب او تسچب دمعها او تعتب اعلى اهل (الدباب)
افردوني اتصيح عگبک یا رسول الله الصحاب...اوخانوا ابحيدر يطاها اورکنوا الصوب الوثن
گرم شوف اشجره اعلیَّه امن الطواغیت امتك...اوعاين ابعينك فعلها اشلون بالشر وافتك
خذوا ميراثي يطاها اومني غصبوا نحلتك...اوعيني بچوهها يبويه اوبچوا احسين اوحسن
ریت عينك تصد ليهم من الداري لفوا...وگفوا اعلى الباب كلهم والحطبهم جمعوا
بالحبل گادوا وصيك واعلی چتله اتحاشموا...عگب ما سگطوا جنيني والظلوع اتهشمن
وآنه اصيحن يها الوادم خلوا عن حامی الحمه...لا أفرِّع وأشچي كل الصابني الباري السمه
ليَّه رد (العبد) بالسوط اومتني ولمه...گوم شوف امتون بتك بالسياط اتولمن
واصد للأنصار نوبه اودمعتي اعلى الخد تهل...ليش هچي اغدرتوا بیه اوگدتوا حیدر بالحبل
ماني يا گوم الوديعه او بضعه من سيد الرسل...بالعجل ما خنتو بيَّه والنبي استوه اندفن
