في حق النبي (صلى الله عليه وآله وسلم)
امست الليله الودیعه اتصيح وتهل الدمع...آیبو ابراهيم فگدك وسَّم ابچبدي صدع
امست الليله الوديعه اتصيح ياسيد الرسل..ریت کل الكون يفنه وتبقه بس انت عدل
قوم شوف الحسن وحسین مدامعهم تهل..والاصل لو غاب نوره اشحال من عقبه الفرع
هاجت اعلينه امنلنصار واصحاب الفتن..وصبحت چني غريبه يبو الزهره ابهلوطن
الحسین اینوح يمي وتهل عبرات الحسن..والوصي كاعد اگبالي وغيره امسه المتبع
خانوا يحيدر وصيك بس غبت یلمصطفه..اوفتك امتك ولاچن شوف يلهادي الوفه
اصبحت كلها اعلی حیدر بالوئن متحالفه..ولا بگاله امعين عگبك غير اربعه امن الربع
امست الليله المدينه عگب عينك مظلمه..وظایگه ابعيني الوسيعه ونار حزنك مضرمه
خانت اهل الغدر بينه وفردو حامي الحمه..وبايعوا تيم وعديها وصار للباطل جمع
نكروا البيعه الخذتها منهم ابيوم الغدير..وصبح المامور على الناس يبو الزهره امیر
ريتني وياك اموت ولا بهل الفرگه اصير..ولا تصد عيني المنبرك بيه خصمك مرتفع
والله يابویه اهضموني ولا لعد حگي رعو..وخذو من عندي انحلتي ولفدك مني اغصبو
بعد يومين ولداري يبو ابراهیم اعتنوا..وصگطوا بالباب حملي وهشمو مني الضلع
