(الصديقة تاخذ بعضاده باب المسجد)
لزمت الباب اوصدة الها...اوصاحت يعبادة عجلها
خلوا الفحل حیدر نفلها...ما چانت الناگه اوطفلها
عند الله مني اعظم فضلها...لو فرَّعت ودوموعي اهلها
جلب وطن طیبه اونزلها...لن العذاب ایلوِّح الها
او شلع الحيطان أمن أصلها...صاحوا یکرار اظهر الها
لا تجلب الدنيه اعلى اهلها...ناده يسلمان اسرع الها
لا يغضب الباري لجلها...گام اوطلع ليها ایعذلها
ابهونچ يصبرها اویگلها...رحمه انبعث سيد رسلها
اولو خذتي هالناس ابجهلها...حادي التلف يحدی ابزملها
اويتشتت الوادم شملها...صاحت اودمعها اتهملها
ماشفت بعيونك فعلها...يا بضعه من گبلي او گبلها
اتعنولها اوسگطوا حملها...او من دارها گادوا بعلها
لو ما ظهر حیدر (فحلها)...اسعي ابتلاف الناس كلها
لمن لفاها اوشاف ذلها...حن او سچب دمعه مثلها
