في حق الزهراء عليه السلام
عندك ودیعه اتچفلت بيها...اخلاف واليها
ليش ابوجودك جسروا اعليها...اخلاف واليها
من قرب موت بن عمك سيد الكونين طاها
ونته یا کرار یمه وحالته عيونك تراها
گالك عندي وصيه مايهم قلي سواها
الزهره يحيدر بضعتي...خايف عليها امن أمتي
عندك تراها اوديعتي...احفضها یا حامي حماها
يابا الحسن خايف يضلموها...ولا يرحموها
تغصب فدك منها وعواليها...اخلاف واليها
ما اعز منها على الله ولا اعز منها عليه
لاچن اشبيدي عليها ودنت من عندي المنيه
ادري بس تغمض عيوني قومي ترجع جاهليه
وعلیکم اتهيج الفتن...تطلب ابثارات المضن
ونته يبوحسين وحسن...بالغسل مشهدوه بیه
بعيتك ياحيدر ينكروها...ولا يعرفوها
وتمنع البضعه من بواچيها...اخلاف واليها
بالبقيع ابني يحيدر بیت للزهره وحزنها
حتی بي تبچي عليه وعلى افراگي ایزود ونها
ومن يصير الليل بيدك يا علي ردها الوطنها
تبگه يچشاف الكرب...مهضومه مکسورة گلب
ودموعها اعلى الخد تصب...ابلیل ما يغمض جفنها
وانه ابضريحي تسچب ادموعي...ونار بضلوعي
من تشتچی وسمع شچاويها...اخلاف واليها
امنسمع ابها الوصیه اظل يا كرار حایر
وقبلي كثره الناس مثلي تيهت بيك البصاير
من وصل خصمك الدارك شرد اگولن منته حایر
ونته الحماها اتچتفت...و من عدها للمسجد رحت
ولو گلت من عدهم خفت...للخوف عندك ما هو صاير
يوما دريت ابحالة الزهره...ساعة العصره
یو هلوصيه چنت ناسيها...اخلاف واليها
