في حق الزهراء عليه السلام
یا حیدر اباب الدار تسمع صرختي او وني
ما تنهض تحاميني شنهو العوگك عني
انته الما تهاب الموت وحروبك فلا تنعد
بيك اهل السمه تدري وكل اهل الارض تشهد
خصمك يوصل الداري وبوجودك يدوس الحد
يضرم على الباب النار * ونته تشوف یا کرار * جدامك يحامي الجار
بين الباب والحايط قام النغل يعصرني
عصرني وهشم اضلوعي وصدري انعاب بالبسمار
محسن سقط من عندي وانه اصرخ اباب الدار
دمي امن الضلع يجري ودمعي على اوليدي اعبار
اصيحن والدمع سچاب * يفضه الصدر مني انعاب * محسن سقط يم الباب
قومیلي يفضه ابساع عن القاع شيلي ابني
عدمن اشتچي حالي وهضم اللي جره عليه
وضلعي اللي قطع حيلي ودمي اليكت جاریه
ماني اوديعة الهادي ونته اتچفلت بيه
جدامك يضربوني * حتى اسودن امتوني * اوما تنهض تقف دوني
وانه اعليك ادير العین چاشنهوا العذر مني
الوجن من ولم صدري وبيدي لازمه اضلوعي
وعاين محسن ابعيني وتجري المحسن ادموعي
ونته ابصبرك امچتف ولا تنهض ترد روعي
دمي ايسيل من صدري * ودمعي امن الهظم يجري * ونته يصير ما تدري
هذا اصواب البصدري ورضات الضلع ذني
غصبو فدك من عندي بوجودك وهضموني
وليهم رحت للمسجد اطالبهم وطردوني
حتی امن البچه ابداري على المختار منعوني
هذي هضمتي وذلي * وصبري اعليهن تگلي * والله الموت اهونلي
ولا ذل من بعد عزي وسوط العبد يضربني
اذلن من بعد عزي ونته اللي تعز الجار
وتجري ادموع ویلادي ودموعي تهل اعبار
للمسجد طلعت اوياك من قادوك یا کرار
يسیل امن الضلع دمي وقومن وگع من همي * اصيحن خلوا بن عمي
وجدامك يرد ليه وعلى العين يصطرني
گالوا تون ليل نهار وحنه الصوتها نسمع
يو عن المدينه اتشيل يو من نوعها تهجع
قمت اخذ حسن وحسین بیدي وللبقيع اطلع
اتفيه ابذره الشجره وجري اعلى النبي العبره * ومن ضلعي ومن کسره
طلعوا قطعوا الشجره چه لنها تضللني
روحي امن الهظم خلصت وعمري اليوم تاليه
اريد الحگ يبوي اليوم وحچيله اشجره عليه
لاچني اريد اوصيك يابا الحسن بوصیه
عدوانك الهضموني ماريدن يحضروني * والگبري يشيعوني
غسلني ابظلام الليل ياكرار ودفني
