في حق الزهراء ع
قبل میلفك وصيك حيدر ابثوب الچفن
هاجت امنمتك على اهلك يبو ابراهيم الفتن
قبل ما تضعن اونورك عنها يلهادي انخفه
وافتك امتك لاچن ريتك اتشوف الوفه
كل فرد منهم علهلك جذب بالشر مرهفه
اوقاموا يطلبون بيهم منك اديون المضن
اصبحت بضعتك لاچن گابعه ابثوب المصاب
اوتنحب اویسچب دمعها وتعتب على اهل الدباب
افردوني اتصيح عقبك يا رسول الله الصحاب
وخانوا بحيدر بطاها اورکنوا الصوب الوثن
گوم شوف اشجره علیه امن الطواغيت امتك
وعاین ابعينك فعلها اشلون بالشر وافتك
خذوا میراثي يبويه ومني غصبو نحلتك
وعيني بچوها يبویه وبچو احسين وحسن
ریت عينك تصد ليهم من الداري لفو
اوگفوا اعلى الباب كلهم ولحطبهم جمعوا
بالحبل قادر وصيك وعلی چتله اتحاشموا
عقب ماگطعوا جنيني والظلوع اتهشمن
وانه اصيحن يهل الوادم خلو عن حامي الحمه
لا افرع وشچي كل الصابني الباري السمه
ليه رد العبد بالسوط ومتني ولمه
قوم شوف امتون بتك بالسياط اتوسمن
وصد للانصار نوبه ودمعتي اعلى الخد تهل
ليش هیچی اغدرتو بينه وگدتو حیدر بالحبل
ماني یاگوم الوديعه وبضعه من سيد الرسل
بالعجل ماخنتوا بينه ولنكم انسيتو السنن
