[ موشح في الزهراء (ع) ]
من تطب طيبه يليث اكوانها...سل علي ام الحسن بيت احزانها
علل بضلوعك يضيغم یا حريب...دون هذا السيف ماتبره اوتطيب
وجد لعد احشاك نيرانه تذيب...لاچن ادموعك حُمُر جروانها
گلبك أمن النوح ودموعك تهل...مايهون اوما يهود اوما يمل
من يهل بيتك يضيغم يا نفل...مات ما بالحرب وبميدانها
عمّك الحمزه الميمر والاسد...اتنومس ابدمّه الميشوم العبد
اومثّلت بمفاصله العاهر هند...اوشفت بالحمزه جروح اظغانها
سيّدي يو جعفر الامسه طعين...برض مؤته برو يسرا واليمين
يو الباب السگط من عدها الجنين...اورضرضوا ياسيّدي ضلعانها
ويل يالهادي اوطواغيت امتك...مارعوا حگّك ولا ذرّيتك
غصب فرعونك امن الزهره فدك...آه من فرعونها اوهامانها
وانته حي هاي امتّك يالمصطفه...لأمرك الواجب عليها امخالفه
تظن من بعدك تجد منهم وفه...أبد بالصبخه نبت ریحانها
چم وچم وانته عدل بيك انغدر...منهم او حفرولك ابيار ابأبر
انسيت رن ادبابها ابجد السفر...من شياطين امتّك ووثانها
لا ومن شرَّف ببن عمّك البيت...ما سليت افعال گومك مانسيت
لاچن اتولّيتها اوعنها عفيت...ذاتك العفّه اوجميل احسانها
لاچن اشبيدك على جري الحكم...بِرَن بيك اسيوفها بري القلم
حين طرفك غمض عالدار انهجم...اوگادوا الگاد الوغه ابدیگانها
طاش رايي اوحار من عندي الفكر...بيك يالبلكفر ضرباتك بچر
ياعصه موسى العدم بيها السحر...اوبسمك انخط خاتم اسليمانها
ما برزلك بالحرب صاحب همم...الاّ اوعانك على اوجوده العدم
چیف بالهزبر تدانيك البهم...واصبحت لضروسها مرّانها
نسه افلان احنين من عاف الحرب...وانهزم من الطعن ومن الضرب
من ثبت غيرك الفرسان العرب...نكس رد راياتها اوفرسانها
نسه خيبرها النذل رخو الزنود...نكس بالرايه اوفر من اليهود
من ثبت غيرك يمن بالكون طود...چتل مرحبها اوملك حرّانها
يظن فاجر تيمها اوفاسد عدي...بايعتهم خوف منهم ياعلي
لا ولاچن الامر ياسيدي...اسلمت لفلانها اوفلتانها
لاچن اللي اسلمك من اسلمك...حلمك اوحفظ الرساله اووحدتك
يا رسول الله الزهره بأمّتك...ودّعتهم سيّدة نسوانها
ویّه مانورك حظه بیه الگبر...الوديعه انخانت اوعاد الكفر
دونك انشدها اومن عدها اختبر...اوميخفاك اخبارها ابعدوانها
اوجس مفاصلها بوالدها الشهم...وجلّب ابيمناك من عدها الجسم
اوشوف وسم امتونها اوكسر العظم...اوحمرة العين اوصفار الوانها
