امّك الزهره يتالي اشبالها...خابر ابما صار واجره ابحالها

والتريده ايصير مابين الديار...سدر وتكاثر يبو صالح اوصار
شـمّر الثارك اوسل ذات الفقار...اوشد على الدنيه اوعلى اضمحلالها

اولو وليت الدنيه ياتالي السلف...ماهگوتي اتعافها اوعنها تعف
حيث ما أبقت الخلف امّك خلف...غيرك اوبِـحشاك رمي انبالها

لوتراك الدنيه اوبيك اتعلم...منها ما عمرك يبو صالح سلم
لاچن المعبود ارغمها اوحكم...على الدنيه ابنهضتك واحوالها

اودون ما تختبر هالدنيه يحر...عالم او مطّلع بيها اومختبر
حاذر اتخدعك يظیغم بالغدر...اوتعف عنها اوتسمح الها افعالها

وانته من بيت السماحه اويدها له...الما سواه ایحل شدّه اومشكله
تدري بالدنيه اوحزبها المجهله...اشصدر منها اعله الرساله اوآلها

سيّدي اوما نظن ياثاني عشر...يبقي صمصامك الهادنيه اويذر
سيّدي ايفوتك عصر هذا البقر...والخنازير اوحزب تمثالها

اوتظن يالغيبتك بالدنيه امتحان...ياتي انجس واخس من هذا الزمان
لا وحگ جدّك الراسه اعله السنان...يتله بالآيات يقره امثالها

عصر يمهذّب يضيغم بالغيور...ما نجد محجوبه بي غير السفور
وين ما دار الهوه ويّا تدور...والفساد ایخط غده بذيالها

هيه پاراچب ظليم امن النعام...الشهر يوم اوتعد بالعشره اعوام
خذ يلاجي خيرمن چبدي ظرام...اومن عيون الضمه احشاك ازلالها

وِصّل عشويّه الحمى مجد العرب...بيات بيها مثل بالعز انضرب
اوحمه للخايف ضمانه امن الرهب...اودار ماغير الرسل نزّالها
اومن تطب مكه تنكّر واحتجب...وابقه للموسم وهو الحج اليجب
لـمّن الركبان للكعبه تدب...من جنوب الواسعه وشمالها

دونك اطلع من ضمامك بالبريد...وامشي بين احرار مكّه والعبيد
وأصغي للّهجه اوحچي الناس اليفيد...وخذ صحة فالها امن اطفالها

وادخل البيت اوعلى اركانه استمر...والتفت للحجر وابحر للحجر
اوسانف الزمزم يراشد واختبر...من جمعها التشرب ابسلسالها

اوحين تايس من مرادك والمنه...خلّي عن البيت واتجنّب منه
اوللصفا بادر يراچب والمنه...اوبالوجوه اتصفّح اوبشكالها

وارتجي امن الله اونبيّه المصطفه...ايعرّفك ببنه اوبيك ايعرفّه
ما عليك النور لولاح ايخفه...من شمس غالب اومن اهلالها

اوحين طرفك يلمح الوجه المليح...اوتعتقد هذا الذي ايخدمه المسيح
والعلامه الهيبه لاچن الصحيح...وجنته اليمنه اليلوّح خالها

تگف بین ایده اوحمر دمعك يسيل...وگفت المچتوف والعبد الذليل
حتّه يامرلك شبل حامي الدخيل...تحب رجله اوتفترشله انعالها

اومن بعد ما تحب من عنده الاجدام...اتبلّغه امن الدين وفروض السلام
اوحين ياذنلك يراچب بالكلام...اوبالمراسيل المعاك ارسالها

بالك اوايّاك ويّه ابن الطهر...يلفظ السانك اوتتكلّم هجر
لچن سولفله ابعبرات الحمر...ابسالفه الماغير گلبي گالها

يبن من للدين جادوا بالاعمار...اوگضوا ما دونه الزغار اويه الكبار
اوخلّفوك الدينهم نور اونار...للاوثان اوللكفر شعاّلها

اونعم ما خلّف المردي العامري...الشرع هذا الدين سيف اوسمهري
اومال هالملّه يشبل العسچري...غيرك ابروف اوشهم يرعالها

لون بالكون وجدانك علم...صبح وجدان الملك واهله عدم
لاچن الملّه يبو صالح فحم...قدّمت شرها اعله خير اعمالها