[ رحيل الرسول (ص) ]
من ودّعت نفسك يسيد الرسل...ودّع الاسلام اویه سگط الحمل
الحال شرحه ايطول يالمصطفه...لاچن بعض ما صابك انسولفه
يصعب علينه اوما عليك ايخفه...من هالزمان اوهله اوچبود الابل
در شرعك المثمن ارباب الكتب...ارخصت سومه اوبينها اصبح كسب
الهم اويه الماضين يد بالغصب...هالفرع شرّه من هذاك الأصِل
ياحيف تعبك يمن شرعك سمَح...اصبح ابهاي الناس ماي ابملح
بالسيف دمّك انهلوا والرمح...وعيونها اعليكم دمعها ايهمل
وِتحَسِب تدرك بالمناحه الأجر...وتروم وصل اشفاعتك بالحَشر
هيهات تقبل من خصيمك عذر...والعذر ابخس واخس من الفعل
منبرك من بعدك ابهذا العصر...اصبح البعض أفراد راحت خمر
مرواني يعلیه ایعلن بالكفر...مادام مرواني امنين ايخجل
وِشريت يالخاطب رضاة العبد...بالسخط من باري السِمَه الينعبد
ابشر ابتعذيبك اوضرب العمد...اوبجهنّم التتظرّم اوتشتعل
دونك تبجّح طرب يالناصبي...ما تشتهي نفسك اوتهوه اوتبي
غايب المهدي والفجيد النبي...فتره اعله كيف السامري والعجل
والله لون اسلام يحصل حزب...بالشام ماخلّت خطيب ايخطب
لاچن خلت والچان بي ينتدب...راسه يويلي بين ادين النذل
اولو ما على افلان الوديعه تطب...وتطالب ابميراثها المنغصب
ما زينب ابديوان صخر اوحرب...توگف اوبرگاب الحريم الحبل
اولوما وصيّك بالنجاد انسحب...ياعجب صبره اعله الهظم ياعجب
ماگیّدوا وجعانك اعله الچتب...آه اوبناتك تنسبي اعله الهزل
