من بني عدنان ياماجد ظعن...على امصابه الكون هاليوم انرجن

گالوا على الناس وشرفهم وأجل...واكرم أمن البحر وأحله من العسل
والذي بيه العرب تظرب مثل...سيد العصرين والوجه الحَسِن

والذي يروي السحاب ابراحته...او سلوت الهادي النبي او ريحانته
اویمن للتكوين سِرّه اوعلته...اویمن للعالم مثل ورح ابّدن

كلفوني أشرح بعض جوده او نداه...تاه فكري ابدّرُ معانيه اوصفاه
ما سمعتوا بخبر طلاب اللفاه...گبل مايطلب ابحاجاته انگظن

جاوب الطالب يبن فحل الفحول...اومهجت الزهره او یاروح الرسول
چیف ماخلتيني ابمگصودي اگول...يبن من بالسيف ذل عزّ الوثن

من بعد ما غنّم وافرح طالبه...او طرد جيش العسر عنه اوجاوبه
أهل هذا البيت واصحاب العبه...فوگ مایرجه الأمل بيه اويظن

والذي اعلى ارياضنه شخصه يزود...گبل مايتحرك السانه ابنشود
اشما يريد انفوسنه تمهي او تجود...خوف لن يسقط حيه ماي الوجن

هذه من جوده بعض وايظه الحلم...يسمع اباذنه المسبّه والشتم
مايعاقب واحد او ماينتقم...من يريد الأنس يفنيها إوجن

لزم داره وكظم غيضه وفترد...اوعبد ربه اوشكر على البلوه او حمد
اه حته اتجرع السّم المرد...مهجته وهروش گلبه اتگطعن

اولمن على الحسن حين الطب أخوه...احسين والظلع الهشيم او جرح ابوه
اوشاف ابو محمد يويلي وجّهوه...على الجبله والعيون ایفورن

اوبين اديه الطشت ويجلّب ابعود...مهجته اللّي زاعها إوذار او چبود
جاوبه او سالت ادموعه اعلى الخدود...يبو محمد ياعضيدي يالحسن

من يبوا محمد يبن سید الرسل...جرّعك لسمومها اوسّن هالفعل
جاوبه لاچن العبرات اتهمل...مثل صبّ السيل بخدوده ایكرن

يبو اليمه أعرف البيّه غدر...والصبر أجمل او مائل من صبر
لاچن ارد اوصيك يحزام الظهر...لوگضه نَحبِي او عيناي اغمضن

بيدك الجسمي يخويه اتغسله...اوهاذي عاده او جاريه بين المله
لاچن احچيلي ابذبايح كربله...منهو غسلها اومن لفها ابچفن

مادريت اوماورد ليك الخبر...بهل بيت الدّين سادات البشر
غسّلوها لاچن ابماي الفخر...حمر و اتفجر امن اعيون الطعن

شيعوها لاچن ابروس الرماح...روسها وانوارها اتخجل الصباح
صلت اعليها المواضي والسلاح...اومنهم الكل ابضمايرنه اندفن