يهل الغاضريه النايم اعله اتراب...هذا مو غريب الما عليه اثياب
هذا ابن الضلعها منكسر بالباب...ليش الجثته محد يورايها
راس المنذبح عطشان اخذته اوياي...لا واحد يغسل اجروح أخويه هاي
هذا حسين دمه أطهر امن الماي...وهاي الفاطمه اجروحه يراويها
حسين هنا ابدمه ينزل اللحده...بمجان الوضع فوق الرمل خده
لاواحد يطلع سهمه من جبده...لأن اشخله بيها سهمه راميها
يهل الغاضريه لمن اتدفنون...لا من صدر اخويه فذ ضلع تنسون
وعله احجارتهم اللي صابته اتدورون...يهل الطف لأن دم جبهته بيها
ودوروا عالرضيع ابيا كتر جثته...لأن طلعوه وراسه القوم ماخذته
راسه هالطفل خلوه إقبال أخته...رقيه وشافت اخدوده امخضبيها
عبدالله منو يم الأبو اينيمه...بقماطه الذي يابس عليه دمه
عله إيده يريده حسين ويشمه...نحر يم النحر جثته ايخليها
يهل الغاضريه ولو دفنتوا حسين...امشو للنهر شوفوا عضيده وين
دوروا ابيا كتر متسحقه الجفين...هاي اجفوف أخويه هنا امسحقيها
مثل حسين أخوها من انقطع نحره...وهم يمه سهم من عين أخوه جره
جيبوا اجفوفه خلوهن على صدره...لأن اشفاف أبويه حيدر اعليها
يهل الغاضريه ومروا بخيامي...لأن حته المهد حرقوه قدامي
شوفوا جم طفل بيها انسحق ضامي...بدال الماي دمها قام يرويها
