رايات الشعاير...من الله نصرها
ما تطويها الأقدار...هاي لصاحب الثار
من الله نصرها
رايات هذي زين شوف الرايات...للنصر بيها الباري كاتب آيات
لو قلك أحد هذي إلها ساعات...تنطوي وتلتف قله أخسه وهيهات
هذي إلها ثائر...لو ثار ونشرها
ميظل للظلم ساس...وكلها تصبح الناس
من الله نصرها
رايات هذي الدين ثابت بيها...اعليها حيانه الله ونموت اعليها
ننطي الرقاب وهيه ما ننطيها ...لمن يجي راعي الفرج راعيها
هاي الله إلها ذاخر...غايبنه ذخرها
واحنه من إدينه...انسلمها الولينه
رايات هذي وعالشعاير هيه...منشوره للميعاد مو وقتيه
تجمع شملنه ابخوة الدينية...للأمه وحده وللوطن حريه
تصفيت الضماير...والنيه وأثرها
اتصير بهجي آيات...ومتهمها الدعايات
رايات هذي والشعاير كلها...احنه اعله كل أعمالنه انفضلها
وهيه عقايدنه الذي نحملها...والقسم بالله محد يزلزلها
وبيها احنه نفاخر...ونتباهه بفخرها
هاي بطول الأيام...نصره الدين الإسلام
هاي الشعاير بيها محفوظ الدين...هاي الشعاير انتصارات حسين
واعلينه خل يشهد إله التكوين...بهاي الشعاير للحشر معتصمين
وما يقدر الباتر...إدينه يجرها
عنها وتفرقه اتصير...للحب هذي تعبير
هاي الشعاير مدرسه وبيها اعلوم...للدين والإصلاح واتعلم دوم
خل الذي فاهمها عكس المفهوم...يفهمها عالحق لا يظل اعله النوم
وليظل هذا صاير...شكاك بأمرها
وكل ساعه تخذ راي...الضرتها تره هاي
هاي الشعاير إنتصار الإسلام...مو إجتماعات اعله فكرة أوهام
كلما عليها اتمر شهور وأعوام...تجدد وتزهر مثل بدر التام
واتشوف المنابر...منصوبه اشكثرها
يخسه واحد ايشيل...منبر منها ويزيل
هاي الشعاير بيها نجري العبره...اعله حسين ابو اليمه ونواسي الزهره
وذاك الجره بيوم الطفوف انذكره...ونبجي اعله بو اليمه ونجر الحسره
ونتذكر حراير...لحسين ويسرها
اشلون انسلبت اشلون...وهيه بعالم الكون
نذكر اللي صار وجره ابذاك اليوم...اعله حسين أبو اليمه الشهيد المظلوم
امصاب ابو اليمه ابكل قلب يسعر دوم...كل قلب للميعاد لجله مالوم
عبرات النواظر...والحسره وجمرها
شتهود امن امصاب...حسين وهله الأطياب
