يبني يا مظلوم...يبني يا مظلوم
راسك وين...آه يحسين
يبني أخرتني اعليك آلامي...واتعنيتك اليوم بصدر دامي
ماي اوياي جبته من اسمعت ضامي...لن شفت النحر مقطوع قدامي
متهشمه اضلوع...والنحر مقطوع
وشمهشمين...آه يحسين
يبني ينزف الدم بعده من نحرك...وما يقدر يقطعه صبري لو صبرك
يوليدي امن أشم بنحرك وصدرك...لن جبدك عله اتراب الضمه بكترك
واشلون أصد ليه...جبد وسهم بيه
بيه ثلثين...آه يحسين
اجروحك أكثر امن ادموعي يبني هاي...أغسل يا جرح مدري بدمع عيناي
يوليدي جبتلك ثوب ويه الماي...هم ليك اعتنت ام البنين اوياي
واسمعنه بضماك...يبني واجيناك
متعنين...آه يحسين
يبني اعله التراب امدد ابدمك...وراسك شفته فصلوه يبني عن جسمك
يوليدي اشيظل بيه جا قلب أمك...وحته هذا اصبعك منقطع يمك
والراسك أخذوه...يوليدي يهدوه
بيه ماشين...آه يحسين
يبني ام البنين اليوم أوافيها...وبيدي للنهر يوليدي أوديها
عله العباس هاي الأم أواسيها...وعندي اجفوف أبو فاضل أخليها
ومثلك العباس...جثه بلا راس
وعالجفين...آه يحسين
