يالمندوب للكوفه...روحي اعليك ملهوفه
يا مسلم سلامي...اعليك وإحترامي
يالمندوب للكوفه...روحي اعليك ملهوفه
يا باب الحوايج للمحبين...يا أول شهيد بثورة حسين
يالوحدك ثبت النصرة الدين...قاومت الطواغيت المجرمين
عن رأي وبصيره مضيت...عالقرآن واحروفه
طالب نشر الأحكام...ناصر دين الإسلام
يالمندوب للكوفه...روحي اعليك ملهوفه
اشلون اوسام ما يفنه وسامك...البيه وسّمك يا مسلم إمامك
وضّح شانك وبيّن مقامك...وما بين الخلق زاد إحترامك
واللي تنكر اوسامك...من النظر مكفوفه
عدها فكر عاقل...عدها راي باطل
اوسام الوسمك بيه ابو السجاد...جلمة نور كالكوكب الوقّاد
ابن عم وثقه عندي امن الأشهاد...امفضل من أهل بيتي الأمجاد
بيك يبالغ المعصوم...حاشه بهاي منشوفه
لاجن حجه الواقع...متمنعه الموانع
الروح اعليك ملهوفه يمسلم...تريد بحضرتك تحضر اتسلم
تدري اشلون فرقاكم يألم...يمته القربك الباري يولم
يمته ايبدل الباري...هذا البعد واظروفه
ونقصد للزياره...وبيك الإستجاره
يالمندوب للكوفه امن الحسين...اتمثل شخصه وتجسد الهالدين
رحت للكوفه ما تخشه المشركين...مفرد وحدك اتقاوم الطاغين
دمعة كل محب اعليك...لمصيبتك مذروفه
ما ننساك حاشه...ولا ننسه العطاشه
يالتشبه العمك بالشجاعه...مثّلته بعزمك والمناعه
ما قدرت تصد باسك جماعه...زلزل حربك الطاغي وقلاعه
ذل جدامك ابن ازياد...قائد جيشه واصفوفه
لاجن الغدر بان...غدرت بيك كوفان
حفرت لك حفيره ذيج الأنذال...بيها اتولتك واعليك تحتال
قطع راسك وامسه عله العسال...صارت جثتك تنجر بالحبال
كوفه وبالغدر سارت...وبهالغدر موصوفه
سلام الله اعله روحك...اعله جسمك عله اجروحك
