عالابو تنشد حميده...تون والونه شديده
حين شافت ريف عمها...يجدب الحسره ويشمها
حسّت الطفله بيتمها...وذكرت أيام السعيده
خاطبت عمها المچّنه...تنحب وتجذب الونه
والدي أخبرني عنه...سفرته صارت بعيده
نادت اخبرني يعمي...والدمع عالوجن يهمي
اليوم يا عم كثر همي...وناري بحشاي مِجيده
اتقله يا عود النشامه...تمسح براسي علامه
جنت تصنع باليتامه...الچان والدها فچيده
اخبرني يا عمي المجّنه...اليوم جايك علم منه
والدي مچتول أظنه...وقاطعه العدوان جيده
نادته والدمع يجري...عله افراقه ضاق صدري
جيف ابطل طول عمري...النوح والونه الشديده
والله يا عمي هضيمه...أصير من زغري يتيمه
عقب أبويه يبو الشيمه...بعد عمري ما أريده
نادته والقلب صادي...يا عزيز النبي الهادي
بعد بيمن اعتمادي...قلي يا شبل الصميده
حسين قلها لا يهمچ...آنه أبوج وآنه عمچ
ابناتي اخواتچ ويمچ...وچذب حسره وصفق بيده
ريتك اتظل عليّ خيمه...وعله ابناتك يبو الشيمه
انصير بالطف يا هضيمه...آنه واسكينه وحيده
وأدري عاشر من محرم...تنچتل وآنه أبجي من دم
والذي منيوب يا عم...كل وسافه ما تفيده
